24 March 2014
13:42 - “Қора бозор”да АҚШ доллари турғун қолмоқда
Тошкент “қора бозор”ларида асосий саррофлик воситаси бўлган АҚШ долларининг сўмга нисбатан қиймати қарийб уч ҳафтадан буён ўзгаришсиз қолмоқда. Масалан, бугун АҚШ долларининг 100 талик купюрасини 290 минг сўмга сотиш ва 293 минг сўмга харид қилиш мумкин. Валютафурушлар бозорнинг нотинчлиги, баҳор муносабати билан янгитдан иштаҳага кирган ҳуқуқни муҳофаза қилиш органлари пайдар-пай рейдлар ўтказаётганини таъкидлашмоқда.

Эслатиб ўтамиз, Марказий Банкнинг расмий курси бўйича: $1 = 2257.30 сўм, ёки $100 = 225 минг 730 сўм. Яъни, бозор курси расмий курсдан 30 фоизча (!!!) юксак. Бу ҳам ўзининг иқтисодчи эканлиги билан мақтананувчи Ислом Карим тарафидан яратилган молиявий-иқтисодий системамизнинг қанчалик ғариб аҳволдагилини кўрсатувчи фактлардан биттаси.
« Олдинги хабар Хабарлар рўйхати Кейинги хабар »