АҚШ миллий география жамияти мутахассислари (National Geographic) хариталарида Қримни Россия таркибида кўрсатишни режалаштиришди. Бу ҳақда хабар қилган Bloomberg агентлигига кўра, жамиятнинг асосий географи Хуан Вальдес Қрим ва Севастополнинг федерация таркибига киритилиши тўғрисидаги шартнома Қрим Россиянинг қисмига айланиши эканини таъкидлаган. “Нима бўлган тақдирда ҳам хариталар реал воқеликни кўрсатишини таъминлаш учун мен дунёда нима бўлаётганини кузатиб туришим керак”,- деган Вальдес.

Албатта, бу каби жамиятлар тижорий характерга эга ва хариталарни муайян манфаатлар эвазига чизади. Ҳатто улар чизмаган тақдирда бу ишни Россия ёки унинг вассалларидан бири амалга оширади. Аммо АҚШ ҳукумати бу воқеаларни қоралаб турганида бу мамлакатга тегишли жамиятнинг бундай ишга қўл уриши ғалати туюларкан, дейди мухбиримиз.