21 February 2014
02:15 - Украинада катта ўзгариш: Олий Рада намойишчиларга қарши “антитерростик” деб аталган операция ўтказишни тақиқлади
Кечаги хабаримизда узоқ вақт кворум йиғолмаётган Украина парламенти – Олий Рада ниҳоят кечқурун иш бошлаганини билдиргандик. Маълумки, парламентда кўпчликни Президент Януковичнинг Регионлар Партияси аъзолари ташкил қилади, айнан улар парламент мажлисини бойкот қилмоқда эдилар.

Украина ахборот воситалари бироз аввал тарқатган хабарларга кўра, Олий Рада одамларнинг ўлимига сабаб бўлаётган ҳар қандай куч ишлатишни қоралаб, Украина Хавфсизлик Хизматига антитерростик операция ўтказишни тақиқлаган ва ички ишлар вазирлигининг қўшинларини дарҳол Киевдан олиб чиқиб кетишга қарор қилган. Шу пайтгача 75 киши ҳалок бўлгани ҳам маълум бўлди.

Бу қарор учун 236 киши овоз берибди, демак, уларнинг ичида регионалчилар ҳам анчагина. Балки, улар Регионлар Партиясини тарк этган ва этаётган депутаталардир, уларнинг сони соат сайин ошиб бораётган ҳам маълум.

Олий Раданинг бу қарори Украинада бўлаётган инқилобий воқеаларда бурилиш нуқтаси бўлиши мумкин.

Тарафларнинг бу қарорга муносабати ҳали маълум эмас.

АҚШ Президенти Барак Обама ва Германия канцлери Ангеле Маркел телефон орқали гаплашиб, Украина масаласида ҳамкорлик қилишга келишдилар. Россия Президенти Владимир Путин эса, Ангеле Маркел ва Буюкбритания Бош вазири Дэвидом Кэмерон билан Украинадаги вазият хусусида гаплашиб, собиқ Омбудсмен Владимир Лукинни ҳукумат ва мухолифат ўртасида востачилик қилиш учун Киевга юборганини билдирди.
« Олдинги хабар Хабарлар рўйхати Кейинги хабар »