20 February 2014
21:33 - “Бирлик” фаоли Исроил Ризога мамлакатдан чиқиш визаси берилмаяпти
“Бирлик” Партиясининг Сирдарё вилояти бўлими раиси Исроил Ризаога мамлакатдан чиқиш визаси берилмаяпти. Сирдарё вилояти ИИБ Хорижга чиқиш, келиш ва фуқаролик бўлими бугун мухолифат фаолининг 2013 йил 3 декабрь куни хорижга чиқиш учун рухсатнома олишга берган аризасига рад жавоби берди. Сирдарё вилояти ИИБ ХЧК ва ФБнинг изоҳича, идорага Исроил Ризони мамлакатдан чиқармаслик бўйича Республика Суд ижро департаментидан хат келган. Мазкур хатда унинг судлангани, суд қарои билан жаримага тортилгани ва жарима мажбурий тартибда ундирилиши юзасидан ижро варақаси очилгани баён этилган.

“Сирдарё вилояти ИИБнинг ХЧК ва ФБнинг ҳаракати ҳам ғарлик, ҳам пешхўрлик деган нақлга тўғри келади. Мен виза бермсаларинг, давлат божига тўлаган пулимни қайтаринглар, дедим. Улар виза ҳам беришмоқчимас, пулимни ҳам қайтаришмоқчи эмас. Менимча, маъмурларнинг мақсади менинг ҳаракатларимни ҳар томонлама чеклашдир. Аввал судлашди, сўнг суд ижрочиларининг зўровонлиги ва ҳоказолар, дейди Исроил Ризо.

Эслатиш лозим, Исроил Ризо Ўзбекистон инсон ҳуқуқлари “Эзгулик” жамиятининг Сирдарё вилояти бўлими раиси ҳам бўлиб, айнан шу фаолияти учун ўтган йилнинг апрель ойида судланган ва суд ижрочилари унинг хонадонига 3 марта босқин уюштирган.

Архивимиздаги расмда бир гуруҳ "Бирлик" ва Эрк" партиялари фаоллари билан 2010 йилнинг июнь ойида Европа Иттифоқи расмийлари билан учрашиш учун Брюсселга борган Исроил Ризани (ўнгдан иккинчи) кўришингиз мумкин.
« Олдинги хабар Хабарлар рўйхати Кейинги хабар »