09 May 2013
19:16 - Қозоғистон тарихида биринчи марта ҳарбий парадлар ўтказди, иштонсиз Ўзбекистоннинг бундай тадбирлар ўтказишга на техникаси на пули бор
Аввал Улуғ Ватан Уруши ғалабаси куни деб аталадиган 9 май Қозоғтстонда бу йилдан бошлаб Ватан Ҳимоячилари Куни сифатида байрам қилинади. Бугун Қозоғистонда расман байрам, қозоқлар тарихларида биринчи марта ҳарбий парадлар ўтказдилар. Ҳа, ҳарбий парад бир эмас, бир қатор шаҳарларда ўтказилган. Аммо, пойтахт Остонада эмас.

Президент Нурсултон Назарбой Жамбул вилоятидаги ҳарбий қисмлардан бирида ўтказилган парадни очди ва нутқ сўзлади. Табиий, кейин ҳарбийлар саф тортиб юрдилар (расмда), ҳарбий техника намойиш қилинди, осмонда ҳарбий учоқлар ҳам учди, уларнинг ичида Қозоғистонда ишлаб чиқарилган вертолетлар ҳам бор. Парадни Пиёда қўшинлари қўмондони генерал-лейтенант Мурат Майкеев бошқарди.

Иқтисоди йил сайин ботиб бораётган Ўзбекистоннинг тузукроқ ҳарбий кучи ҳам йўқлиги ҳаммага маълум. Бизда ҳаммага кўз-кўз қилиб, парад ўтказаоладиган ҳарбий кучнинг ўзи йўқлигидан ташқари, бундай тадбир учун Давлат Бюджетида пул ҳам йўқ. Давлат Бюджетимиз миллионлаб ўзбек мардикорларининг Россия ва Қозоғистондан юбораётган пуллари ҳисобига зўрға оёқда турибди.
« Олдинги хабар Хабарлар рўйхати Кейинги хабар »