01 May 2013
08:46 - Foreign Policy журналининг дунёда энг қувватли 500 кишиси ичида Алишер Усмонов бор
АҚШда чиқадиган журнал жаҳоннинг таъсир кучи бўйича энг қувватли 500 кишисини танлабди. Рўйхат асосан сиёсатчилар, йирик бизнессменлар, диний арбоблар, ҳарбийлар, жамоат арбобларидан иборат. Рўйхатнинг ярми бўлмаса ҳам, ярмидан озроғи АҚШлилар. Кўзга кўринган давлатларнинг раҳбарлари, куч ишлатар вазирликларининг вазирлари рўйхатда жой олган. Барак Обаманинг олдида Мишель Обама ҳам бор. Бил ва Ҳиллари Клинтонлар ҳам шу ерда.

Туркиянинг Бош вазири ва Президенти билан бир қаторда узоқ йиллардан бери АҚШда яшайдиган "фатхуллачилар" диний ҳаракатининг лидери Фатхулла Гулен ҳам бор. Россиянинг кўзга кўринган одамларининг ҳаммаси рўйхатда. Уларнинг қаторида ўзимизнинг ўзбек Алишер Усмонов ҳам турибди.

Россиялик сифатида рўйхатга кирган Алишер Усмоновдан бошқа Марказий Осиёдан биронта исм бу ерда йўқ. Украинадан рўйхатга бир одам киритилган - бу мамлакатнинг энг катта бойи Ринат Аҳметов.  Дарвоқе, рўйхатдаги исмлар алифбо бўйича жойлаштирилган.  
« Олдинги хабар Хабарлар рўйхати Кейинги хабар »