13 April 2013
01:47 - Қизил Хоч Қўмитаси Ўзбекистон қамоқхоналарини мониторинг қилиш фойдасизлигини айтмоқда, аммо кураш давом этиши керак
Бунинг фойдаси йўқ, чунки қамоқхоналарни бориб кўришимиздан арзирли гуманитар натижаларга эришишимиз лозим, расмийлар билан мулоқотимиз конструктив бўлиши керак, лекин Ўзбекистон мисолида бундай бўлмаяпти-да, деб ёзибди Twitterдаги саҳифасида Халқаро Қизил хоч қўмитаси Бош директори Ив Даккор. Шунинг учун ҳам бу ташкилот Ўзбекистон қамоқхоналарини бориб кўришни тўхтататибди. Бундай принципиал қарорга келиш Қизил Хочдек ташкилотга осон бўлмаган, узоқ иккиланишлардан сўнг бу қарорга келиншан эмиш.

Бироқ бу қарорнинг феълан хатолигини, бу қарор айнан Ўзбекистон ҳукумати истагига мос келишини таъкидлаш керак, дейди мухбиримиз. Агар халқаро ташкилотлар бу каби иродасизлигини намоён этишса, мамлакатимиздаги аҳвол баттар ёмонлашади. Ўзбекистон демократлари ва ҳуқуқ ҳимоячилари Қизил Хоч ташкилотининг бу қарорини қоралашади ва Ўзбекистонда фаолиятни маҳаллий ҳуқуқ ҳимоячилар билан, биринчи навбатда, расмий рзйхатдан ўтган "Эзгулик" жамияти билан ҳамкорликда олиб бориш кераклигини урғулашади.
« Олдинги хабар Хабарлар рўйхати Кейинги хабар »