06 April 2013
20:22 - Нью-Йорк фондлар бозорининг ҳаётини ёритишни давом эттирамиз
"Ҳаракат" Агантлигининг сайтига қарши уюштирилган мисли кўрилмаган ҳакерлар ҳужумларидан кейин чиққан муаммолар туфайли, Нью-Йорк фондлар бозорининг аҳволи ҳақида бераётган ҳафталик хабарларимизда ҳам узилиш бўлди. Охирги хабарни 16 март куни бергандик ва фондлар бозорининг асосий кўрсатгичи Dow Jones индекси 14514 да тўхтаганини айтгандик.

Мана орадан уч ҳафта ўтди. Кеча Нью-Йорк фондлар бозорида жорийдаги ҳафтанинг охирги иш куни битганда Dow Jones индекси 14565 тенг эди. Демак, ўтган уч ҳафтадаги зиг-загли ўзгаришларнинг натижаси бўйича, Dow Jones индекси 51 поғанага юксалди. Айтиш керакки, 2 апрелда бу индекс тарихий рекорд ҳам қўйди - 14684.

Яна қатуриб айтамиз, Dow Jones индекси барқарор йилларда 13-14 минг ўртасида ўйнаб турарди. Демак, у ҳозир 2008 йил кризисидан аввалги барқарор йилларнинг чўққисидан ҳам анча юқорига кўтарилиб кетди. Dow Jones индекси АҚШдаги энг катта 40 та компания акцияларининг ўртача баҳосини ўзида акс эттиргани сабабли, бу мамлакатда акцияларнинг нархи юксак нуқаларга чиқиб олганини тушуниш керак. Демак, одамлар учун пулларни банкда эмас, акцияларда ушлаш фойдалидир.

Шундай экан, АҚШда ишлаётган ўзбеклар фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмадиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш - маҳаллага ош бериш каби ўрта асрлардан қолиб кетган ибтидоий одатларимизни яна давом эттиришга ҳаракат қилиш ва мавжуд халқ душмани режимга хизмат кўрсатишдан бошқа нарса эмас. Ўзбеклар АҚШда ҳам ош ейиш, Ўзбекистонга пул юбориш ва бўш вақтини Youtube.com каби сайтларнинг кўнгилочар саҳифаларида ўтказавермасдан, ўша ерда пул йиғиб, кичкина бўлса ҳам ўз бизнесларини очиш устида ўйласалар, ана ундан кейин уйларига ҳам бемалол ёрдам берадилар, Ўзбекистонга инвестиция қилиш тўғрисида ўйлай бошлайдилар. Ўзбекистондаги режим сўнги кунларини яшаётганини, сўнгра ҳокимиятга ватанпарвар кучлар келишини ҳисобга олсак, ўз мамлакатимизда бизнес очиш учун катта имкониятлар пайдо бўлади.

Кўриб турибсизлар, “Ҳаракат”нинг эксперт ва мухбирлари Ўзбекистонда халқдан бекитиб келинаётган рақамларни ҳам топиб, Ислом Карим раҳбарлигидаги Ўзбекистон ҳукумати мамлакатни қашшоқлик даражасига тушириб бўлганини фактлар билан исботладилар.

Бизнинг сайтимизни ўқиб боринг, яқинда бор пулингизга қайси воситачи молиявий компаниялар орқали акциялар сотиб олиш самарали эканлиги ҳақида маслаҳатлар ҳам эълон қилишга бошлаймиз.
« Олдинги хабар Хабарлар рўйхати Кейинги хабар »