Тошкент вақти - 
06 April 2013
17:07 -
"Ҳаракат" хатқутисидан: Фармацевтика Институти ректори Юнусхўжаевнинг мушугини ҳеч ким “пишт!” деёлмайди, чунки, раҳнамо - Сенат раиси, унинг қариндоши Тошмуҳамедова
"Ҳаракат" хатқутисидан: Фармацевтика Институти ректори Юнусхўжаевнинг мушугини ҳеч ким “пишт!” деёлмайди, чунки, раҳнамо - Сенат раиси, унинг қариндоши Тошмуҳамедова
Хурматли "Харакат" тахририяти мен Тошкент Фармацевтика Институти ходими булиб институтимиздаги ўзим гувохи булган бир воқеа хақида хабар беришни маъқул кўрдим.
2012 йил сентябр-октябр ойларида Тошкент Фармацевтика институтининг атоқли профессорларидан бири Ўзар Аҳмедов институтнинг 13 йилдан бери ректори бўлиб келаётган Ахмад Юнусхўжаевнинг “фаолияти”, институтдаги қонунбузарликлар хақида юқори ташкилотларга (Таълим вазирлиги, Бош прокуратура, Миллий хавфсизлик) хат ёзгани хақида гап тарқади. Умуман олганда бу хайрон қоларлик нарса эмас. Чунки институтимизда хат ёзишмалар доим бўлиб келган.
Лекин бу хатнинг ўзига хослиги, унинг бир ходим томонидан бир неча ташкилотларга йўлланганлиги ва гапларга қараганда, хатга уни тасдиқловчи хужжатлар нусхалари илова қилинганлигида. Кейинги воқеалар тажрибали профессорнинг нақадар янглишганлигини кўрсатди. Чунки Юнусхожаевнинг рахнамолари барча нарсаларни “ёпти-ёпти” қилиш билан бирга Ахмедовни институтдан қайтиб келмас қилиб хайдашга хам имкон беришди.
Менимча, энг ачинарлиси, шу нарсалар вақтида оламдан ўтган, Республикада ва Собиқ Иттифоқда энг муътабар, хурматли олимларимиздан, хаммамизнинг устозимиз проф. Х. Холматовнинг хам “плагиат” деб, ёмон отлиқ қилингани бўлса керак. Амал талашиш устоз рухини тепиш, хорлашга сабаб бўлмаслиги керак. Ўзи Ахмедов ёзган хатда хақиқат бормиди? Бўлса, кўрилган чора қани? Агарда ёзилганлар тухмат, бўхтон бўлса, нима учун Ахмедов жазоланмади?! Ёки А.Юнусхўжаевга акалари институтни хусусий мулк қилиб бериб, нима хохласанг, қилавер. Бу ёғига биз турибмиз, деб кўйганми?! Ахир институт Ахмедов ва Юнусхўжаевлардан иборат эмаску!
Бу ерда катта коллектив бор, 1000 дан ортиқ студент ўқийди. Дарвоқе, институтимизга ўқишга киришнинг норасмий нархи Юнусхўжаев даврида 4 000 АҚШ долларидан 20 000 гача кўтарилгани хам эътиборга лойиқ. Шу йўсинда ўқишга кирган студентлар ўқийдими?! Улардан кимга фойда???
А. Юнусхўжаевнинг ўқув, илмий ва молиявий қонунбузарликларидан институт коллективига очиқдан-очиқ маълум бўлган баъзи намуналарни келтираман. Текширишга келган турли комиссиялар уларни кўрмайдилар, ёки кўришни хохламайдилар. Натижада Юнусхўжаев ва унинг хамтовоқлари сувдан қуруқ чиқаверадилар.
1) Собиқ проректор ва декан З. Йўлдошевнинг имтихон ведомостларини қалбакилаштиргани. Бу қалбакилаштириш молиявий ҳам хисобланади. Чунки бу ведомостлар асосида студентлар стипендия олади.
2) Проф. С. Аминовнинг дарсларини унинг ўрнига бир қатор кафедра ходимлари бериб келишгани холда, проф. дарслар учун маошни тўлалигича ўзи олган.
3) Юнусхўжаевнинг хамтовоғи Й.Қодиров 5 йил давомида бир бўлимга раҳбар бўлиб келган. Ўзи ишга деярли келмасада яна бўлим штатига хеч қандай иш қилмайдиган турли ходимлар киритилиб, йиллар давомида маош олиб келишган. Ў.Ахмедов хати пайдо бўлиши биланоқ Й.Қодиров ўз ихтиёри билан ишдан бўшатилиб, бўлим ёпилган. Қодиров эса, хатто Фарғонада дам олган кунлари учун хам кадрлар булими бошлиғи Н. Мухаммедова ёрдамида маош олган. Ахир бу бўлимда унинг хам ходими бўлган-да. Албатта хат ёзилгандан ўтган ярим йил давомида Юнусхўжаев қалбаки хужжатлар ва хисоботлар таёрлаб қўйган бўлиши керак.
4) Дарвоқе, ишламаган ходим учун табель ёзиб пул беришга Н. Мухамедова устаси паранг. Фақат у ходим ректорга яқин бўлса бўлди. Масалан, 2009 йилда ректорнинг қудаси А. Иброхимов хорижда дам олган кунлари учун тўла маош олган. Ёки мархум проф. М. Усуббоев инсультга учрагандан кейин деярли икки йил давомида маош олиб келган. Вахоланки бутун институт коллективи унинг ишга қатнай олмаслигини, дарс бера олмаслигини кўриб турган бўлса хам. Институтда бунга ўхшаш воқеалар доим бўлиб келган.
Фақат А. Юнусхўжаев мушугини хеч ким “пишт!” деёлмайди. Рахнамолар кучли. Биттагина сенат раиси, унинг қариндоши Д. Тошмухамедовани айтиш кифоя қилса керак.
Хозирда исмимни очиқ ёзишни лозим топмаганим тушунарли бўлса керак.
Хурматли "Харакат" тахририяти мен Тошкент Фармацевтика Институти ходими булиб институтимиздаги ўзим гувохи булган бир воқеа хақида хабар беришни маъқул кўрдим.
2012 йил сентябр-октябр ойларида Тошкент Фармацевтика институтининг атоқли профессорларидан бири Ўзар Аҳмедов институтнинг 13 йилдан бери ректори бўлиб келаётган Ахмад Юнусхўжаевнинг “фаолияти”, институтдаги қонунбузарликлар хақида юқори ташкилотларга (Таълим вазирлиги, Бош прокуратура, Миллий хавфсизлик) хат ёзгани хақида гап тарқади. Умуман олганда бу хайрон қоларлик нарса эмас. Чунки институтимизда хат ёзишмалар доим бўлиб келган.
Лекин бу хатнинг ўзига хослиги, унинг бир ходим томонидан бир неча ташкилотларга йўлланганлиги ва гапларга қараганда, хатга уни тасдиқловчи хужжатлар нусхалари илова қилинганлигида. Кейинги воқеалар тажрибали профессорнинг нақадар янглишганлигини кўрсатди. Чунки Юнусхожаевнинг рахнамолари барча нарсаларни “ёпти-ёпти” қилиш билан бирга Ахмедовни институтдан қайтиб келмас қилиб хайдашга хам имкон беришди.
Менимча, энг ачинарлиси, шу нарсалар вақтида оламдан ўтган, Республикада ва Собиқ Иттифоқда энг муътабар, хурматли олимларимиздан, хаммамизнинг устозимиз проф. Х. Холматовнинг хам “плагиат” деб, ёмон отлиқ қилингани бўлса керак. Амал талашиш устоз рухини тепиш, хорлашга сабаб бўлмаслиги керак. Ўзи Ахмедов ёзган хатда хақиқат бормиди? Бўлса, кўрилган чора қани? Агарда ёзилганлар тухмат, бўхтон бўлса, нима учун Ахмедов жазоланмади?! Ёки А.Юнусхўжаевга акалари институтни хусусий мулк қилиб бериб, нима хохласанг, қилавер. Бу ёғига биз турибмиз, деб кўйганми?! Ахир институт Ахмедов ва Юнусхўжаевлардан иборат эмаску!
Бу ерда катта коллектив бор, 1000 дан ортиқ студент ўқийди. Дарвоқе, институтимизга ўқишга киришнинг норасмий нархи Юнусхўжаев даврида 4 000 АҚШ долларидан 20 000 гача кўтарилгани хам эътиборга лойиқ. Шу йўсинда ўқишга кирган студентлар ўқийдими?! Улардан кимга фойда???
А. Юнусхўжаевнинг ўқув, илмий ва молиявий қонунбузарликларидан институт коллективига очиқдан-очиқ маълум бўлган баъзи намуналарни келтираман. Текширишга келган турли комиссиялар уларни кўрмайдилар, ёки кўришни хохламайдилар. Натижада Юнусхўжаев ва унинг хамтовоқлари сувдан қуруқ чиқаверадилар.
1) Собиқ проректор ва декан З. Йўлдошевнинг имтихон ведомостларини қалбакилаштиргани. Бу қалбакилаштириш молиявий ҳам хисобланади. Чунки бу ведомостлар асосида студентлар стипендия олади.
2) Проф. С. Аминовнинг дарсларини унинг ўрнига бир қатор кафедра ходимлари бериб келишгани холда, проф. дарслар учун маошни тўлалигича ўзи олган.
3) Юнусхўжаевнинг хамтовоғи Й.Қодиров 5 йил давомида бир бўлимга раҳбар бўлиб келган. Ўзи ишга деярли келмасада яна бўлим штатига хеч қандай иш қилмайдиган турли ходимлар киритилиб, йиллар давомида маош олиб келишган. Ў.Ахмедов хати пайдо бўлиши биланоқ Й.Қодиров ўз ихтиёри билан ишдан бўшатилиб, бўлим ёпилган. Қодиров эса, хатто Фарғонада дам олган кунлари учун хам кадрлар булими бошлиғи Н. Мухаммедова ёрдамида маош олган. Ахир бу бўлимда унинг хам ходими бўлган-да. Албатта хат ёзилгандан ўтган ярим йил давомида Юнусхўжаев қалбаки хужжатлар ва хисоботлар таёрлаб қўйган бўлиши керак.
4) Дарвоқе, ишламаган ходим учун табель ёзиб пул беришга Н. Мухамедова устаси паранг. Фақат у ходим ректорга яқин бўлса бўлди. Масалан, 2009 йилда ректорнинг қудаси А. Иброхимов хорижда дам олган кунлари учун тўла маош олган. Ёки мархум проф. М. Усуббоев инсультга учрагандан кейин деярли икки йил давомида маош олиб келган. Вахоланки бутун институт коллективи унинг ишга қатнай олмаслигини, дарс бера олмаслигини кўриб турган бўлса хам. Институтда бунга ўхшаш воқеалар доим бўлиб келган.
Фақат А. Юнусхўжаев мушугини хеч ким “пишт!” деёлмайди. Рахнамолар кучли. Биттагина сенат раиси, унинг қариндоши Д. Тошмухамедовани айтиш кифоя қилса керак.
Хозирда исмимни очиқ ёзишни лозим топмаганим тушунарли бўлса керак.
