04 March 2013
21:19 - Яшасин Ўзбекистон! Аҳолининг бахтиёрлик шкаласида АҚШ ва Қатардан олдиндамиз
“New Economic Foundation” тадқиқотлар маркази ўтган натижалари бўйича дуёнинг энг бахтиёр давлатлари рейтингини тузиб чиқишди. 151 мамлакат ўрин олган рўйхатда Ўзбекистон 54-поғонани эгаллаб турибди. Мазкур рейтингни тузишда мамлакат аҳолисининг турмуш даражаси, яшаш шароити, одамларнинг умр кўриш давомийлиги кўрсаткичи, экологик оқибатлар таъсири ҳисобга олингани ва шу орқали ўша мамлакатнинг "бахт" индекси аниқлангани иддао қилинади.

Маълум бўлишича, дунёнинг энг бахтиёр мамлакати Коста-Рика экан. Иккинчи ўрин Вьетнамга, учинчи ўрин эса Колумбияга тегибди.

Буни қарангки, қўшнилармиз Қирғизистон - 38,Тожикистон 43,  Туркманистон - 95, Қозоғистон эса 119-ўринни эгаллаган. АҚШ - 105, Россия - 122, Бирлашган Араб Амирликлари - 130 ва Қатар - 149 поғонани эгаллагани рўйхатнинг шундоққина нисбийлигини кўрсатиб турибди.

Баҳтиёрлик даражаси бўйича биринчи ўринда Коста-Рика, иккинчи ўринни Вьетнам эгаллаганидан билса бўладики, “New Economic Foundation” марказидагилар кайф билане бу рўйхатни оёғини осмондан қилиб эълон қилворишган бўлса керак.
« Олдинги хабар Хабарлар рўйхати Кейинги хабар »