02 March 2013
01:11 - Тошкентга Франция Ташқи ишлар вазири келади, аввал бу каби ташрифчилар Абдураҳим Пўлат билан ҳам учрашарди
Бугун остонада бўлиб, Қозоғистон Президенти Нурсултон Назарбой билан ҳам учрашган Франция Республикаси Ташқи ишлар вазири Лоран Фабиус (расмда) эртага амалий ташриф билан Тошкентга келади. Ташриф чоғида унинг Ўзбекистон Республикаси Президенти Ислом Карим, Ўзбекистон Ташқи ишлар вазири Абдулазиз Комил билан учрашуви режалаштирилган. Ўзбекистон Ташқи ишлар вазирлиги матбуот хизматига кўра, француз делегацияси ташрифи доирасида Франциянинг етакчи компаниялари раҳбарлари билан Ўзбекистон ишбилармон доиралари ўртасида бизнес форум ҳам уюштирилади.

Француз вазири Ўзбекистон Республикаси ҳукумати билан ўзаро англашув тўғрисидаги Меморандум имзолашни кўзда тутган.

Эслатиб ўтиш керакки, Франциянинг Ташқи ишлар вазири ўринбосари раҳбарлигидаги биринчи делегацияси Тошкентга 1992 йилнинг баҳорида келган ва Ўзбекистон Президентидан ташқари “Бирлик” Партияси раиси Абдураҳим Пўлат билан, партиянинг расмий жойи бўлмагани сабабли, партия раҳбариятининг аъзоси, журналист Анвар Усмоннинг уйида учрашган эди.

Ўша йили 16 фералда Тошкентга келган АҚШ Давлат Котиби Жеймс Бейкернинг Абдураҳим Пўлат билан учрашуви учун Ўзбекистон ҳукумати ўз қароргоҳидан жой берган. Табиий, ҳукумат бу жой учун пул сўрашга уялган. Сўраса, америкаликлар дарҳол беришган бўларди.
« Олдинги хабар Хабарлар рўйхати Кейинги хабар »