Тошкент вақти - 
28 February 2013
06:11 -
Акбарали Ориф: Ўзбекистон ҳам “босқинчи” давлатга айланиши керак
Сарлавҳа ғалати туйилаябди–ми? Сабр қилинг, нима демоқчилигимни сўзимни охирида тушуниб оласиз.
Барча ривожланган давлатларда интеллектуал маҳсулот товарга айланиб бўлган ва у сотилади. Шунинг учун ҳам бу мамлакатларда таклиф кўп бўлиб юқори сифатлиси сотиб олинади ва ҳаётга тадбиқ қилинади. Натижада жамият ривожланиб бораверади. Технологиянинг ривожи Ғарб мамлакатларида юқори сифатли ишлаб чиқаришни йўлга қўйилишига, ортиқча капитални эса бошқа давлатларда ўз фойдалари учун ҳам ишлатишга имкон яратди. Юқори технология бошқа мамлакатларга капитал сифатида кириб келиб, бу мамлакатларнинг иқтисодиётда ҳам муҳим роль ўйнай бошлайди.
Бир сўз билан айтганда, бу давлатлар ўз пуллари билан бошқа халқларни ўзаро розилик эвазига “босиб” олдилар ва “босиб” олмоқдалар.
Ўзбекистонда эса интеллект ҳам хору-зор.
Бирор фидои олим Ўзбекистонга миллиардлаб фойда келтирадиган кашфиёт яратса, уни амалга ошириш учун миллионлаб пора бериши ва кимларгадир ҳамиша “доля” бериб туриши керак. Ёки шундоққина уни кашфиёти олиб қуйилади, тамом-вассалом.
И.Каримов раҳнамолигида Ўзбекистонда интеллект хор бўлди, шунинг учун хам ўзбек халқи “мардикор” миллатга айланди.
Аслида, ўзбек халқи ижодкор халқ, меҳнатсевар ва қобилиятли халқ, қанча-қанча қобилиятли инсонлар ўз ихтироларини ҳаётга жорий қилолмаётганлари, ижод қилган нарсаларини фақатгина тирикчилик учун чет элларда афсус билан арзон гаровга бировларга сотиб юрганларини биламан. Ўз нархида сотуш учун ҳуқуқий имкониятлари йўқ.
Ҳозир ўзбек халқи тушкун бир ҳолатда, аммо вақти келиб бу халқ “Бирлик” Партияси бошчилигида Ғарб мамлакатлари сингари яхши маънода “босқинчи” давлатга айланишига ишонаман. Аммо, бунинг учун авваломбор миллатга эркинлик берилиши керак.
Бунга эришиш учун эса ўзбек халқининг барча асл фарзандлари ғоялар генерация қилишда усталигини кўрсатиб бўлган “Бирлик” атрофида бирлашишлари лозим.
Акбарали Ориф
“Ҳаракат” таҳририятидан: Акбарали Ориф “Бирлик” Партияси Андижон вилоят ташкилотининг раҳбарларидан бири. 2005 йили Андижонда халқнинг қирғин қилинишини демократ сифатида қоралагани учун қамалиб ҳам чиққан.
Барча ривожланган давлатларда интеллектуал маҳсулот товарга айланиб бўлган ва у сотилади. Шунинг учун ҳам бу мамлакатларда таклиф кўп бўлиб юқори сифатлиси сотиб олинади ва ҳаётга тадбиқ қилинади. Натижада жамият ривожланиб бораверади. Технологиянинг ривожи Ғарб мамлакатларида юқори сифатли ишлаб чиқаришни йўлга қўйилишига, ортиқча капитални эса бошқа давлатларда ўз фойдалари учун ҳам ишлатишга имкон яратди. Юқори технология бошқа мамлакатларга капитал сифатида кириб келиб, бу мамлакатларнинг иқтисодиётда ҳам муҳим роль ўйнай бошлайди.
Бир сўз билан айтганда, бу давлатлар ўз пуллари билан бошқа халқларни ўзаро розилик эвазига “босиб” олдилар ва “босиб” олмоқдалар.
Ўзбекистонда эса интеллект ҳам хору-зор.
Бирор фидои олим Ўзбекистонга миллиардлаб фойда келтирадиган кашфиёт яратса, уни амалга ошириш учун миллионлаб пора бериши ва кимларгадир ҳамиша “доля” бериб туриши керак. Ёки шундоққина уни кашфиёти олиб қуйилади, тамом-вассалом.
И.Каримов раҳнамолигида Ўзбекистонда интеллект хор бўлди, шунинг учун хам ўзбек халқи “мардикор” миллатга айланди.
Аслида, ўзбек халқи ижодкор халқ, меҳнатсевар ва қобилиятли халқ, қанча-қанча қобилиятли инсонлар ўз ихтироларини ҳаётга жорий қилолмаётганлари, ижод қилган нарсаларини фақатгина тирикчилик учун чет элларда афсус билан арзон гаровга бировларга сотиб юрганларини биламан. Ўз нархида сотуш учун ҳуқуқий имкониятлари йўқ.
Ҳозир ўзбек халқи тушкун бир ҳолатда, аммо вақти келиб бу халқ “Бирлик” Партияси бошчилигида Ғарб мамлакатлари сингари яхши маънода “босқинчи” давлатга айланишига ишонаман. Аммо, бунинг учун авваломбор миллатга эркинлик берилиши керак.
Бунга эришиш учун эса ўзбек халқининг барча асл фарзандлари ғоялар генерация қилишда усталигини кўрсатиб бўлган “Бирлик” атрофида бирлашишлари лозим.
Акбарали Ориф
“Ҳаракат” таҳририятидан: Акбарали Ориф “Бирлик” Партияси Андижон вилоят ташкилотининг раҳбарларидан бири. 2005 йили Андижонда халқнинг қирғин қилинишини демократ сифатида қоралагани учун қамалиб ҳам чиққан.
