14 December 2012
23:45 - Иқтисодимиз қандай бўлса, армиямиз ҳам шунақа: Офицерларимизнинг башарасида интеллектуал тайёргарлик аломати борми?
Иқтисодимиз аҳволи тўғрисида “Ҳаракат” мухбирлар кўп ёзишди. Улардан маълумки, иқтисодимиз чўкмоқда. Иқтисоднинг асосий кўрсатгичи бўлмиш Члпи Ички Маҳсулот ҳажми бўйича Қозоғистондан 2005 йили 5,5 баравар орқада бўлсак, ҳозир 8 баравар орқадамиз.

Иқтисод шундай аҳволда экан, армиямизда аҳвол қандай?

Ўқувчиларимиз эътибор беришгандир, Ўзбекистонда иқтисоднинг асосий кўрсатгичлари халқдан бекитиб келинаётгани, уларни билмасдан ҳукуматнинг ишини конструктив танқид қилиб бўлмаслигини, демак ижобий ўзгаришлар ҳам кутиш мумкин эмаслигини йўллардан бери ёзиб келди ва ниҳоят бу йил турли политтехнологиялар ишлатиб, бу кўрсатгичларга оид рақамларни топдик. Ҳозир улар асосида мамлакатимиз иқтисоди чўкаётгани, бундан қутилиш учун ҳеч нарса қилмаётган мавжуд ҳукумат ўз халқига нисбатан жиноят қилаётганини ёзмоқдамиз ва ёзишни давом эттирамиз. Бу рақамлар халққа маълум бўлгандан кейин, ҳозирги ҳукуматдагилар тезроқ Ўзбекистондан қочиб қолишлари керак. Чунки, халқнинг ғазабини бостирадиган куч топилмаса керак.

Энди, армиямиз масалсига келсак. Армиянинг ҳақиқий аҳволини ҳозир ҳеч ким билмайди. Халқ ҳам, биз ҳам. Аммо, бу йўналишда ҳам ишлашимиз керак.

Армиянинг ҳақиқий аҳволини тушуниб етиш учун мулоҳаза қилишга асос бўладиган фикрлар йўқ эмас. Масалан, Ўзбекистон ҳукумати қирғиз фашистлари ўзбекларни қирғин қилганда қисиб ўтиришининг сабаби фақатгина ҳукумат Ўзбекнинг душманлари қўлида эканлиги эмас, бундан ташқари, армиямиз ҳеч нарсага қодир эмаслиги ҳам бўлган.

Мана бугун ЎзА тарафидан эълон қилинган расмга қаранг. Бу ҳарбийлар “Давлатимиз раҳбари Ислом Каримов раҳнамолигида замонавий, ихчам ва салоҳиятли миллий армияни шакллантириш, унинг моддий-техника базасини давр талаби асосида мустаҳкамлаш, шахсий таркибнинг жанговар, интеллектуал тайёргарлигини юксалтиришга қаратилаётган алоҳида эътибор ўзининг юксак самараларини кўрсатаётганининг намунаси” эмиш.

Ҳурматли ўқувчиларимиз, расмга яхшилаб қаранг, шу офицерларимизнинг башарасида интеллектуал тайёргарлик аломатларини кўраяпсизми? Агар армиядагиларнинг ҳаммаси шундай бўлса, армия кимнинг қўлида ўзи деган савол сизда туғилмаяптими?

“Ҳаракат” агентлиги шу кундан эътиборан армиямизнинг аҳволини кўрсатадиган, аммо сир бўлмаган маълумотларни тўплаш, уларни халққа билдириш устида иш бошлайди.

Бизнинг қўрқаётган нарсамиз шуки, топилган маълумотлар иқтисодимиз каби армиямиз ҳам чўкаётганини исботласа керак.

Башараларда интеллект бор-йўқлигини яхшироқ кўриш учун расмни катталаштиришни истасангиз, уни курсор билан босинг ўйланг: шу расмни кўраган одамда армиямизга ишонч қоладими?
« Олдинги хабар Хабарлар рўйхати Кейинги хабар »