18 October 2012
01:24 - Тошкентда пахта ярмаркаси очилди, пахтакорларимиз йиллик режани уддалаш арафасида
Бугун Тошкентда саккизинчи Халқаро пахта ва тўқимачилик ярмаркаси очилди. Ярмарка ташкилотчиларига кўра, мақсад халқаро ташкилотлар ва хорижий компаниялар, яъни дунёнинг етакчи пахта толасини қайта ишловчи ва истеъмолчилари билан узоқ муддатли ҳамкорликни кенгайтириш, тенденциялар анализи ва жаҳон бозори ривожи истиқболларини таҳлил қилиш, шунингдек, истеъмолчиларни сифатли ўзбек пахтаси ва пахта ишлаб чиқариш ва савдо қилиш соҳасидаги янгиликлар билан таништиришдир.

Ярмарка очилиши даврида тарқатилган пресс-релизда ўзбек пахтасининг йирик партияси пахта ярмаркасининг савдо қаторларида намойиш қилиниши, иштирокчилар мамлакатимиз экспортчилари билан бўлажак пахта ҳосили борасида узоқ муддатли битимлар тузиш имкониятига эга бўлиши айтилган.

Ярмаркада АҚШ, Хитой, Россия, ЕИ давлатлари, Япония, Ҳиндистон, Бангладеш, Корея, МДҲ, Яқин Шарқ, Осиё-Тинч океани ҳудуди давлатлари ҳамда Африкадан делегациялар келган. Биронта давлат болалар меҳнатини эксплуатация қилиш эвазига етиштирилган пахтамиздан воз кечиш ниятини билдиргани ҳақида хабар йўқ. Аслида, бундай давлатнинг ўзи йўқ.

Норасмий манбаларга кўра, мамлакатимиз пахтакорлари 21 октябрь куни пахта етиштириш бўйича йиллик шартномавий режани бажарилганини ҳақида Ислом Каримга рапорт беришади.
« Олдинги хабар Хабарлар рўйхати Кейинги хабар »