30 July 2012
12:00 - Кўз ва кипрапклар ўйнатиб, компютерда ёзиш замони келмоқда
Франциядаги Пьер ва Мария Курье Университетининг олимлари қўли йўқ ёки қўли соғ бўлмаган ногиронлар учун кўз ва қош қимирлатиш йўли билан компютерда ёзув ёза оладиган жиҳоз яратдилар. Расмда кўриниб турган жиҳоз орқали одамнинг кўз ва қош ҳаракатлари телекамера воситасида компютерга юборилади ва махсус программа воситасида ёзув ёзилади.

Табиий, бу жиҳозни ишлатадиганлар қайси харф учун қош ёки кўзларини қандай қимирлатишга ўргатилишлари керак. Демак, шундай ҳаракатга ўргатилган доктор, ҳайдовчи ва учувчилар, қилаётган ишларини тўхтатмасдан, компютерга керакли нарсаларни ёзиб боришлари мумкин.

Университет қошидаги тадқиқотлар марказининг директори Jean Lorenceau бу жиҳознинг иши ҳақида “Учи йўқ қалам билан расм чизиш кабидир” дебди. Унинг айтишича, бу жиҳоз ёрдамида бир дақиқада 20 дан 30 гача харф ёзиш ммкин.
« Олдинги хабар Хабарлар рўйхати Кейинги хабар »