28 July 2012
06:38 - Dow Jones бу ҳафта яхшигина юксалди, 13 минглик тўсиқдан ҳатлади
Жорийдаги ҳафтанинг илк икки куни сал кам 200 поғана пастга тушган Dow Jones индекси, қолган уч кун фақат ортиб борди. Маслан, кечаги ортиш 188 поғана бўлди. Умумий ҳафталик ўсиш - 253. Энди Dow Jones 13075 га тенг. Шундай қилиб, Нью-Йорк фондлар бозоринг бу кўрсатгичи май ойидан бери биринчи марта психологик 13 мингдан ошди.

Бундай ўсишнинг сабаби - келаси ҳафтада АҚШда марказий банк ролини ўйнайдиган Федерал Резерв Системаси ва Европа Марказий Банки раҳбарларининг учрашуви бўлиши ва бу учрашувда иқтисодий инқироздан биргаликда чиқиш йўллари муҳокама қилиниши яратган энтузиазм кўрсатилмоқда.

Қаранг, ҳали ҳеч нарса йўқ, аммо бундай учрашув бўлиши ҳақидаги хабарнинг ўзи инвесторларни рағбатлантиришга бошлаган. Шундай дунёда яшашга ўрганишдан бошқа йўл йўқ.
« Олдинги хабар Хабарлар рўйхати Кейинги хабар »