17 July 2012
21:22 - Галстук тақмаган Ражаб Эрдўғоннинг бўйнига тумор осилгани кўриниб қолди
Ғарбда папарази деб айтиладиган фотосуратчилар кўпроқ санъат соҳасида машҳур бўлган аёлларнинг турли вазиятларда тасодифан кўриниб қолган ич кийимлари ёки баданларининг нозик жойларини расмга олиб тарқатишни касб қилиб олишган. Ҳозир уларнинг назаридан сиёсатчилар ҳам қочолмай қолишмоқда.

Масалан, ўтган куни Эскишаҳарга келган Туркия Бош вазири Ражаб Эрдўғон якшанба куни бўлгани учун галстук тақмаган экан, унинг бўйнига осилган ип кўриниб қолибди. Дарров тахмин қилиндики, у бўйнига тумор осиб олган. Эрдўғоони яхши биладиган одамлар бу тахминни тасдиқлашибди. Уларга кўра, Эрдўғоннинг туморида Қуръондан шифолик билан боғлик оятлар кўчириб олинган қоғоз парчаси бор.

Одатда уч бурчак шаклида бўладиган туморнинг ичига кумуш ёки олтин парчалари ҳам қўйилади.
« Олдинги хабар Хабарлар рўйхати Кейинги хабар »