14 July 2012
20:12 - Абдурашид Дўстимнинг сафдоши, Афғонистон парламенти депутати Аҳмад Самангоний ўлдирилди, ўзбеклар ҳамма ерда ғариб аҳволда
Бугун Афғонистоннинг Самангоний вилоятида ўз қизини турмушга бериш тўйини қилаётган Аҳмад Самангонийни гўёки табриклаш учун қучоқлаган киши ўлимчи-террорист экан. У қучоқлаш пайтида ўз танасига бойланган бомбани портлатиб, ўзи билан Аҳмад Самангонийдан ташқари яна 21 кишини нобуд қилди, 60 дан ортиқ киши ярадор бўлди, дейилди Reuters агентлигининг ҳозиргина тарқатилган хабарида. Оғир ярадорлар кўп бўлгани сабабли, ўлганлар сони ортиши муқаррар.

Аҳмад Самангоний 1980 йилларда мужоҳидлар билан бирга Совет қўшинларига қарши, кейинчалик, аниқроғи 1996-2001 йиллари, Толибонга қарши қуролли кураш олиб борган ўзбек кучларининг раҳбарларидан бири, Абдурашид Дўстимнинг сафдоши бўлган. АҚШ бошчилигидаги НАТО қўшинлари Афғонистонга киргандан кейин қуролини ташлашга рози бўлган Аҳмад Самангоний Афғонистон парламентининг депутати эди.

Минг афсуски, ҳозир ҳамма ерда Ўзбек миллатига қарши сирли уруш олиб борилмоқда, дейди мухбиримиз. Мана мисоллар.

- Ўзбек миллатининг тарихида биринчи тузилган миллий-озодлик ҳаракати бўлмиш “Бирлик” 1989 йили Салой Мадамин бошчилигидаги хоин ёзувчилар тарафидан парчаланди, натижада Ўзбекистонда ўзбеклар душманларининг диктатураси ўрнатилди.

- Абдурашид Дўстим раҳбарлигида афғонистонлик ўзбеклар мамлакат шимолига Толибон кучларини киритмай турган пайтда, тўғрироғи, 1996 йил ёзида, Абдурашид Дўстим ўз ичидан чиққан хоинлар тарафидан мағлубиятга учратилди.

У Тошкент орқали Туркияга қочишга мажбур бўлди, Толибон Мозори Шарифни қўлга олди. Ўша куниёқ “Озодлик” радиосида чиқиш қилган Салой Мадамин Толибоннинг Мозори Шарифга киришини олқишлади.

Бу тушуниб бўлмайдиган нарсанинг сабаби кейин маълум бўлди. Туркияда чиқадиган “Радикал” газетасининг ёзишича, Туркия ҳукумати Абдурашид Дўстимнинг курашини қўллаб-қувватлаш учун, унга ўзбек аслли Туркия фуқароси Анвар Олтойли орқали 10 млн доллар пул берган экан. Аммо у бу пулнинг асосий қисмини Салой Мадамин билан ўзлаштириб олган ва бу икки хоин ўзбекларнинг Афғонистонда мағлуб бўлишига ўз ҳиссасини қўшган экан.

- 2010 йил апрель-май ойларида Қирғизистондаги ўзбекларни Ботир Қодиров исмли ичимиздан чиққан ифлос қирғизларга сотди. Жаҳон ўзбеклари, хусусан Ўзбекистон раҳбарияти ва ўзбекистонлик ўзбеклар тамошабин бўлиб турар экан, қирғиз фашистлари Ўзбекни тириклайин ёқдилар, ўзбекларни қирғин қилдилар. Шу кунга қадар, “Бирлик” Партиясидан бошқа сиёсий куч бунга қарши чиқмади, ўзбекларни ҳимоя қилишга ҳаракат ҳам қилмади.

Шулардан келиб чиқсак, яна бир ўзбек лидери Аҳмад Самангонийнинг ўлдирилиши табиийдек кўринади.

“Бирлик” лидери Абдураҳим Пўлат қайта-қайта айтаётганидек, миллат сифатини йўқотган Ўзбекни қайтадан миллат қилмасак, ўзбеклар фожеаси ҳеч қачон битмайди.
« Олдинги хабар Хабарлар рўйхати Кейинги хабар »