13 July 2012
19:35 - Россияда нодавлат ташкилотлари учун “чет эл агентлари” мақоми қонунлаштирилди
Бугун Давлат Думастда қабул қилинган қонунга кўра, чет элдан ёрдам олаётган нотижорат ташкилотлар расман “чел эл агенти функциясини бажарувчи” деган ном олади. Ҳуқуқ ҳимоячиларининг қаршилигига қарамасдан қабул қилинган бу қонуннинг лойиҳаси Путиннинг “Бирлашган Россия” Партияси томонидан киритилган эди.

Коммунистик партия ва “Адолатли Россия” Партиясининг депутатлари қонун овозга қўйилган пайтда парламент залини намойишкорона тарк эттилар.

Ҳозир Россияда у ёки бу шаклда чет элдан ёрдам оладиган 200 мингтача нотижорат ташкилоти бор экан. Уларнинг кўпчилигини сиёсатга алоқаси йўқ. Аммо, уларнинг ҳаммаси энди чет эл агенти ҳисобланади.

Бундай қонуннинг қабул қилиниши - тахти қаттиқ силкиниб қолган Россиянинг ҳукмдори Владимир Путиннинг истаги эканлигига ҳеч қандай шубҳа йўқ. Аммо, бу каби қонунлар ҳам энди уни қутқаролмайди.
« Олдинги хабар Хабарлар рўйхати Кейинги хабар »