19 May 2012
03:36 - Обид қорига суиқасдда гумонланаётгани икки талаба қамоққа олинди
Бугун, 18 майда Швеция шимолидаги Остерсунд шаҳар суди икки нафар Ўзбекистон фуқаросини 14 суткага қамашга санкция берди. Улар диний уламо Обид қори Назаровга суиқасдни ташкил қилишга ёрдам берганликда гумон қилинмоқда. Тергов уларнинг исми-шарифини очиқламаяпти. Лекин уларнинг бири аёл экани, Мальмо шаҳридаги университетда ўқигани маълум.

Швецияда яшаётган Обид қори Назаров шу йилнинг 22 февралида Стёмсунддаги уйининг йўлагида (подъездида) ўт очар қурол билан бошидан оғир яраланган. Ўша кундан бери қори оғир кома ҳолатида қолмоқда.
« Олдинги хабар Хабарлар рўйхати Кейинги хабар »