17 April 2012
04:28 -
Жаҳон Банкининг янги президенти Жим Ёнг Ким

Банкнинг 25 кишилик Бошқарув органи – Директорлар Кенгаши икки номзоддан бирини танлаши лозим эди. Булар - Кореяда туғилиб, ҳозирда америкалик бўлган Жим Ёнг Ким ва Нигериянинг молия вазири Нгози Оконжо-Ивела. Натижада Жим Ёнг Ким танланди. Аввалги сайловлардан фарқли ўлароқ, бу сафар икки номзоддан бири танлангани Reuters агентлигининг хабарида алоҳида урғуланган.
Хитой, Ҳиндистон, Бразилия, Жанубий Африка Республикаси Нгози Оконжо-Ивела тарафида бўлган экан, аммо Ғарб давлатлари, биринчи навбатда, АҚШ Жим Ёнг Кимни танлашган. У шу пайтгача Нью-Ҳампшир штатидаги Дартмоуз коллежининг президенти бўлиб ишлаб келмоқда эди.