26 March 2012
22:52 - "Ўзбекнефтгаз" Тожикистонга газ сотиш бўйича уч ойлик кафолат берган экан
Бу ширкатнинг кеча, яъни 25 март куни ўз сайтида берган рус тилидаги қисқа маълумотномасига кўра, унинг тизимидаги “Ўзтрансгаз” ширкати Тожикистонга йилнинг биринчи чорагида 45 миллион куб метр ҳажмдаги табиий газни етказиб бериш кафолатини берган экан холос.

Эслатиб ўтамиз, 24 март куни Тожикистоннинг мустақил Asia-Plus агентлиги қандайдир мавҳум “Тожикистон Республикасининг энергетика идораси”га асосланиб, Ўзбекистон 1 апрелдан бошлаб Тожикистонга табиий газ беришни бутунлай тўхтатишини хабар қилган эди. Анчагина мавҳум бўлган бу хабарни ўқиган одамда Ўзбекистон ўзи имзолаган шартномани бузгандек кўринади.

"Ўзбекнефтгаз"нинг бунга эътиоз руҳидаги маълумотномаси ҳам мавҳум. Яъни, шундай таасурот қоладики, икки тараф узоқроқ муддатга шарнома имзолаган, аммо кафолат 3 ойга берилган. Бу ерда мавҳумликдан ташқари мантиқсизлик ҳам бор.

Хуллас, кўринишидан, Ислом Карим бир нарса қилиб Имомали Раҳмон билан жанжал чиқариш ниятида. Вақт ҳам яхши танланган – Душанбеда бугун Афғонистон бўйича минтақавий иқтисодий ҳамкорлик конференцияси бошланди, унда қатнашиш учун Афғонистон, Покистон ва Эрон президентлари ҳамда АҚШ Давлат Котибининг ёрдамчиси Роберт Блейк келган.
« Олдинги хабар Хабарлар рўйхати Кейинги хабар »