02 March 2012
04:30 - Сурияда воқеаларнинг ривожланиши Ливиядан фарқли бўлмоқда
Ливияда Муаммар Каддафийнинг мухолифлари Ўртаер денгизи соҳилидаги мамлакатнинг иккинчи буюк шаҳри Бенгази шаҳрини қўлга олиб, у ерда Ғарб ёрдамида мустаҳкамланиб олишган ва яна Ғарб ёрдамида Муаммар Каддафийнинг армиясини мағлубиятга учратишган эди.

Сурияда ҳам воқеалар шу йўналишда давом этаётгандек бўлди. Мухолифлар Хомс шаҳрини феълан қўлга олишди, аммо уни узоқ тутиб туришолмади. Кеча ашаддий жанглардан кейин Сурия армияси қўзағалончиларни Хомсдан сиқиб чиқарди. Бугун шаҳарнинг маркази тўла Башар Асад кучларининг қўлига ўтиши кутилмоқда.

Ўтган йили март ойида бошланган қўзғалондан кейин икки тарафдан 7,5 киши ҳалок бўлгани айтилмоқда. Яъни, ростакам фуқаролар уруши бўлмоқда.

Араб давлатларининг ҳам кўпчлиги ҳозир Башар Асадни эмас, қўзғолончиларни қўллаб-қувватлашга бошлашганини ҳисобга олсак, охир-оқибат Сурияда қўзғалончилар ғалаба қозонса керак. Маълумки, қўшни Туркия ҳам улар тарафида.
« Олдинги хабар Хабарлар рўйхати Кейинги хабар »