02 February 2012
03:14 - Америкона хабар: Толиблар Афғонистонни қайта қўлга олишни мақсад қилишаётган эмиш
Reuters агентлигининг ҳозиргина тарқатлган хабарида айтилишича, Афғонистонда террорга қарши уруш олиб бораётган Халқаро Хавфсизлик Ёрдами Кучларининг (ISAF) матбуот котиби генерал-лейтенант Жимми Каммингс Буюбританиянинг Times газетаси ва BBC радиоларига Покистон тарафидан қўллаб-қувватланаётган Толибон кучлари 2015 йилда Афғонистонни қайтдан қўлга олишни мақсад қилганларини айтибди. Маълумки, НАТО кучларининг Афғонистондан 2014 йилнинг охиригача чиқиб кетиш режаси аллақачон эълон қилинган.

Бундай башорат қилиш учун америкалик генерал бўлишнинг кераги ҳам йўқ. Ғарб кучлари Афғонистондан чиқиб кетгач, икки кундан кейин Толибон ҳокимиятга қайтиб келади. Ғарб миллирдлаб доллар пул сарфлаб яратган Афғонистон армияси ташкилий равишда Толибон тарафига ўтади.

Бир маҳаллар Толибон Мозори Шарифни қўлга олган ва миллат хоини, 53-54 лақабли Салой Мадамин буни олқишлаган куниёқ, толиблар кейинги намозни Бухорода қиламиз дейишган эди. Энди улар айнан шундай қилишади, Ислом Карим қизининг олдига, Испанияга қочиб кетади.

Ҳамма гап шундаки, воқеларнинг келажагини америкаликларнинг ўзи жуда яхши билишади, 2014 йилда Афғонистонни тарк этишмайди.

Америкаликларнинг биттагина хатоси – улар Ислом ўз-ўзини ислоҳот қилиб, энг камида, дунёвийлик прниципини қабул қилмагунча, ислом экстремизмини йўқ қилиб бўлмаслигини тушунишмаётганидир. Умид қилиш керакки, улар буни 2015 йилдан кейин тушуншга бошлашади.
« Олдинги хабар Хабарлар рўйхати Кейинги хабар »