14 December 2011
13:45 - “Запрет”даги Юлдуз Усмоновага Гулнора Карим табрик йўллади
Кеча пойтахтдаги “Чарағон” ресторанида ўзининг тўртинчи мучали, яъни 48 ёшини нишонлаган хонанда, “Буюк хизматлари учун” ордени соҳибаси Юлдуз Усмоновага мамлакатимизнинг биринчи хоними Гулнора Карим табрик йўллади. Ҳозирда хонанда сифатида фаолият кўрсатиш ҳуқуқини берувчи махсус лицензиядан маҳрум қилинган, расмий тадбирлар ва оммавий ахборот воситаларида чиқиши манъ этилган хонандага йўлланган қутлов ўқиб эшиттирилди ва базм отарчиларнинг куй-қўшиқлари билан қизиди.

Туркияда истиқомат қилишига қарамасдан, Тошкентда таваллудини тантанали нишонлаган хонанда ўз вақтида мавжуд режимга хизмат қилган ва сўнгра кераксиз буюм сингари улоқтирилган, дейди мухбиримиз. Гулнора Каримнинг табригига кўра, режим хонандани яна буюм қилиб ишлатмоқчи, шекилли. Кўринишидан, у аввалги ролига қайтишга рози.
« Олдинги хабар Хабарлар рўйхати Кейинги хабар »