26 November 2011
03:18 - Туркияда янги жанжал: Мачитларни ким буздирган, дунёвий партиями, исломийми?
Бу мамлакат парламенти яна бир жанжалнинг саҳнаси айланди. Ҳокимиятдаги исломий илдизли Адолат ва Тараққиёт Партияси (АТП) раиси Ражаб Эрдўғоннинг ҳукуматдаги ўринбосари Бекир Бўздоғ ҳозир мухолифатда бўлган дунёвийлик тарафдори сўлчи Жумҳурият Халқ Партияси (ЖХП) ҳокимиятда бўлган ўтган асрнинг 40-чи йилларида 900 дона жоме буздирилганини исботловчи ҳужжатлар кўрсатиб, мусулмонлар кўзи олдида ЖХПнинг обрўсини туширишга ҳаракат қилди.

Бу ҳужумга жавоб дарҳол келди. ЖХПли бир депутат бир неча йил аввал битта тарихий жоме жойлашган ер Ғарб давлатларининг ширкатларидан бирига АТП ҳукумати тарафидан сотилгани ва ўша ширкат тарихий жомени бульдозерлар билан бузиб ташлаб, ўрнига ишлаб чиқариш корхонаси қурдирганини исботлови ҳужжатлар, жоменинг бузилаётганини кўрсатувчи расмлар тақдим этти.

Исломий партия тарафидан шу кунларда тарихий жоменинг Ғарб ширкатига сотилиши ва жоменинг бузиб ташланиши ўтган асрнинг қирқинчи йилларида юзлаб жомеларнинг дунёвийлар тарфидан буздирилганидан ҳам оғир айбнома бўлди, дейиш мумкин.
« Олдинги хабар Хабарлар рўйхати Кейинги хабар »