Кундалик хабарлар - 29 September 2014

• 01:21Бу дунё шунақа: Туркиянинг Коня шаҳрида ҳалок бўлган уйсиз гадой чол ҳақиқий миллионер экан. Ўзбекистоннинг ҳам триллионлари йўқмикан?

  Туркиянинг ўртасида жойлашган ва диний маркази деса ҳам бўладиган Коня шаҳрида узоқ йиллардан бери уйсиз яшаб, гадойчилик билан кун кечирган чолни ерли одамлар “Тўрвали дода” ёки “Ғариб” дейишар экан. У шу кунларда шаҳарлараро автовокзалда орқага бераётган автобуснинг тагида қолиб ҳалок бўлгандан кейин, полиция унинг кимлигини билиш ҳаракатига тушган. Маълум бўлишича, бу 75 ёшли чолнинг исми Меҳмет Келеш бўлиб, у асли Қора дегиз соҳилига яқин бўлган Чорум вилоятидан эка...

• 00:35Каспий саммитида қатнашиш учун Астрахонга Эрон президенти келди

  Астрахонда бугун бошланадиган Каспий саммитида иштирок этиш учун кеча кечқурун бу ерга биринчи бўлиб Эрон Президенти Ҳасан Роухони етиб келди. У Астрахон вилояти ҳокими (губернатори) Александр Жилкин билан учрашгани Россия агентликлари тарафидан хабар қилинди. Ҳасан Роухони ва Александр Жилкин бир-бирларига икки тарафни ҳам хурсанд қиладиган чиройли сўзлар айтиб вақт ўтказишибди. 18 йилдан бери ўтказиб келинаётган Каспий саммитида Россия, Озорбайжон, Эрон, Қозоғистон ва Туркманистон президент...

• 19:24Ислом ва терроризм синонимга айланиб бораётган бир пайтда, Ислом Ҳамкорлик Ташкилоти давлатларининг вазирлари Нью-Йоркда нимани гаплашишди?

  Ўзбекистон Ташқи ишлар вазирлигининг сайтида бугун билдирилишича, 26 сентябрь куни Нью-Йоркда БМТ Бош Ассамлеясининг очилишига келган Ислом Ҳамкорлик Ташкилотига кирувчи давлатларнинг ташқи ишлар вазирлари Мувафиқлаштирувчи учрашув ўтказишибди. Вазирликнинг хабарида бу учрашувдан нима масалалар кўришилгани умуман тилга олинмайди. Фақатгина Ўзбекистон вазири Абдулазиз Комил ИҲТ ташқи ишлар вазирларининг 2016 йида бўладиган 43-чи сессияси Тошкентда ўтказилишини тасдиқлабди. Яна ўша куни Абдулаз...

• 07:169 ёшли қизларни тилга олманг, Ҳазрати Муҳаммадга имо қилишда айбланишингиз мумкин

  Парчаланиб йўқ бўлиш арафисига келган Туркияни қайтадан оёққа турғазган ва замонавий давлатчилик асосларини яратган Отатурк замонидан бери бу мамлакатда исломчилар билан дунёвийчилар ўртасида жанг каби кураш давом этмоқда. Ҳокимиятга исломий илдизли Адолат ва Тараққиёт Партияси келгандан бери бу кураш янгидан оловланиб ётибди. Намуна сифатида “Миллиёт” газетасида кеча эълон қилинган хабарни келтириш мумкин. Отатурк раҳбарлигида тузилган сўлчи Жумҳурият Халқ Партиясидан мамлакат пар...

• 01:17Қримтатарлар Қурултойининг сессияси Киев ёки Истанбулда ўтказилиши мумкин

  Qrim Aqiaqat агентлигининг ktat.krymr.com сайтига асосланиб тарқатилган хабарларга кўра Қримтатарлар Халқ Мажлисининг кеча Қримда ўтказилган йиғилишида (йиғилиш ўтказилган аниқ жой айтилмайди) Қримтатарлар Қурултойининг навбатдаги сессиясини Киевда ёки Истанбулда ўтказиш вариантлари ҳам кўриб чиқилди. Бу ҳақда Мажлис Котибиятининг раҳбари Дилавер Акиев айтмоқда. Маълумки, руслар Қримни шу йил бошида босиб олганидан кейин, бунга қарши чиққан Қримтатарлар Халқ Мажлиси ва унинг аъзолари Москванинг...

• 00:12XVII Осиё ўйинлари давом этмоқда, Хитой 96 та, Қозоғистон 9 та, Ўзбекистон битта олтин медаль олди

  19 сентябрь куни Жанубий Кореянинг Инчеон шаҳрида очилган XVII Осиё ўйинлари давом этмоқда. Бугун Ўзбекистон терма жамоаси биринчи олтин медални қўлга киритди. 70 кг оғирликкача бўлганларнинг эркин курашида Беҳзод Абдураҳмонов ғолиб чиқиб, олтин медалига соҳиб бўлди. Умумий медаллар сони бўйича Ўзбекистон катта натижалар кўрсатолмаяпти. Шу кунгача умумий медаллар сони бўйича 4 мамлакат олдинда: 1. Хитой – 195 дона медаль олди (96 – олтин, 58 – кумуш, 41 – бронза) 2. Жан...

• 22:28Озорбайжонда мухолифатдаги “Мусават” Партиясининг раиси Иса Қамбар истеъфога чиқди, Ориф Гажили янги раис бўлди

  Эслатиб ўтиш керакки, “Мусават” номли партияни 1911 йили Эмин Расулзода ва унинг сафдошлари тузган эдилар. Бу партия 1917-1918 йиллари миллий-демократик ҳаракатга бошчилик қилди, Озорбайжон Халқ Республикаси яратилишида ҳал қилувчи роль ўйнади. Аммо, бу Республика 1920 йили Россия тарафидан босиб олинди, кейин Озорбайжон СССР таркибига киритилди. Ўша вақтдан СССР йиқилгунча, “Мусават” Партияси номига бўлса ҳам, Туркияда фаолият олиб борди. 1992 йили Бокуда уни қайтдан тик...

• 20:06Хабарга арзийдиган воқеа: Абдулазиз Комил АҚШнинг Афғонистон ва Покистон бўйича махсус вакили билан учрашибди

  Кечаги хабарларимиздан бирида Нью-Йоркда шу кунларда очилган БМТ Бош Ассамблеясида иштирок этаёган турли давлатларнинг раҳбарлари ёки ташқи ишлар вазирларининг ҳамма учрашувларини хабарга лойиқ воқеа ҳам деб бўлмаслигини айтиб, Ўзбекистон ва Туркия вазирлари Абдулазиз Комил ва Мовлут Човушўғлининг учрашуви эса, алоҳида эътиборга лойиқ эканлиги урғулаган эди. Ҳамма каби, Абдулазиз Комил ҳам Нью-Йоркда турли учрашувлар ўтказиб ётибди. Масалан, у Испания ва Словакия ташқи ишлар вазирлари, АҚШ да...

• 19:23Украина-Россия конфликтининг ечими ҳозирча йўқ, аммо, Порошенконинг “Стратегия-2020”си буюк программалиги шубҳасиз, Ўзбекистон қачон бундай программалар ҳақида ўйлайди?

  Кўриниб турибдики, Украина Европа билан бирлашиш йўлидан қайтмоқчи эмас, Россия эса Украинадек катта давлатни вассаликдан чиқаришга тайёр эмас. Демак, ҳозирча бу конфликтнинг ечими йўқ. Украина ҳарбий жиҳатдан Россиядан кучсиз бўлгани сабабли, Россия эса конфликт чуқурлашган сари ўз армиясини кўпроқ ишлатишга мажбур бўлиб, қурбонлар сони кўпайиб кетаётгани ва Ғарбнинг санкциялари яна ҳам ортишидан қўрққани сабабли – 5 сентябрда вақтинча тинчлик ўрнатишга рози бўлдилар. 5 сентябрдан бери ўқ от...

• 13:19Абдулазиз Комил БМТнинг Бош Ассамблеясида бир тийинга қиммат нутқ сўзлади

  Нутқнинг матни фақат рус тилида Ташқи ишлар вазирлигинг “Жаҳон” ахборот агентлиги сайтида бугун эрталаб (Нью-Йоркда ярим кечаси) эълон қилинганидан тушуниш мумкинки, нутқ кеча сўзланган. Абдулазиз Комил ўз нутқини 4 қисимга бўлибди. Биринчи. Минтақавий ва халқаро хавфсизлик, кескинлашаётган жанжаллар ва урушлар, катта “куч марказлари” ўртасида геополитик қарама-қаршиликнинг кучайиши ва шунга ўхшаш муаммолар. Ҳаммо муаммолаларни, хусусан, Афғонистондагисини ҳам, фақат тинч йўллар билан ечиш...