25 August 2011
22:26 - Васила Иноят: “Гулноранинг хайрия-ю акциялари лўттибозликдан бошқа нарса эмас”
Бугун Тошкентдаги 5-сонли болалар шифохонасида навбатдаги хайрия акциясини ўтказаётган “Фонд Форум” раҳбари Гулнора Карим бу тадбирнинг ўзи бошчилигида қилинадиган тақдимот маросимига, билибми-билмайми, Ўзбекистон инсон ҳуқуқлари “Эзгулик” жамияти раиси Васила Иноятни ҳам таклиф қилган экан. Афтидан, ташкилотчилар Васила Иноятнинг кимлиги билишмаган, у 1993 йилнинг бошида Ислом Каримни қонхўрликда айблагани учун судланаётган пайтида бу суд жараёнини ёритиш учун Москвадан келган ўша пайтдаги машҳур “Известия” газетасининг мухбири Марина Лебедова: “Ўзбекистонда Васила сингари 5 ўзбек аёли бўлганида эди, Ислом Карим Ўзбекистондан қочиб кетарди, аммо, минг афсуски, ўзбек оналари фақатгина Василани туғишибди” деган гапларини эшитишмаган.

“Аввалига тадбирда иштирок этиб, жамиятимиз томонидан Фонд Форумга ОИТСга чалинган беморлар, ногирон болаларга ёрдам сўраб, қилган мурожаатларимиз тақдирини суриштирмоқчи бўлдим. Аммо ҳаракатларимиздан фойда бўлмаслигини билиб, акцияга бормасликка аҳд қилдим. Қолаверса, тадбирда иштирок этиш учун аввал ташкилотчилар билан суҳбатдан ўтиш, ўзининг шахсига оид барча маълумотларни тақдим этиш лозим экан. Фойдалироқ иш билан шуғулланмоқдаман, диний эркинликлар борасидаги ҳисобот таҳрири устида ўтирибман” деди “Ҳаракат” мухбирига Васила Иноят.

“Бирлик” лидери Абдураҳим Пўлатнинг фикрича, Васила у маросимга бормасдан бироз хато қилган. Борса эди, Гулнора Каримни яхшигина шармандасини чиқариб келарди, Гулнора ўз тадбиридан қочиб кетиши ҳам мумкин эди.
« Олдинги хабар Хабарлар рўйхати Кейинги хабар »