10 March 2011
04:15 - АҚШда ўзбекча газета чиқишга бошлади, бош саҳифада Ислом Каримнинг расми йўқ
Бу ҳақда хабарни Ўзбекистон режимининг норасмий нашрларидан бири бўлмиш 12.uz сайти тарқатганидан ҳам тушуниш мумкинки, 3 минг нусхали биринчи сони чиққан бу газета Ўзбекистоннинг АҚШдаги элчилигининг лойиҳасидир. “Ватандош” номли газета Vatandosh Inc ширкати (эгаси - Фарход Султонов) тарафидан чиқарилади. Газетанинг Бош редактори Даврон Тожиалиев 12.uz сайтига билдиришича, ҳозирданоқ газета ўқувчилари ўз ёрдамларини таклиф қилишга бошлашибди. Ҳозирча ойига бир марта чиқадиган бу нашр кейинчалик бир ойда 2-3 марта чиқади.

Расмда кўриниб турганидек, газетанинг биринчи сони бош саҳифасида нима учундир Ислом Каримнинг ярим саҳифалик расми йўқ. Расм кейинги сонлар учун асраб қўйилган бўлса керак..
« Олдинги хабар Хабарлар рўйхати Кейинги хабар »