29 April 2005
03:00 - 23:00 - Текшир-текширлар «Бирлик»нинг фойдасига 22:00 - Шўрсувда ишчилар очликни давом эттиришмокда 16:00 - Ўзбекистон - Козогистон: савдо-сотикка эркинлик берилмокчи
23:00 - Текшир-текширлар «Бирлик»нинг фойдасига

Жанубий минтакадаги мухбирларимиз йўллаган хабарга кўра, «Бирлик» Халк Харакати Партиясининг Адлия рўйхатидан ўтишини кўллаб-кувватлаганларнинг имзоларини текшириш, хар эхтимолга карши уларни «зарарсизлантириш» тадбирлари давом этмокда. Хатто махаллий фукаролар йигинларида махсус комиссиялар тузилиб, «Бирлик»чиларнинг кадами етмаган манзилларда ахолини огохлантириш, бу партиянинг мавжуд хукуматга тўла карши эканлигини тушунтириш ишларини олиб боришмокда.

Аммо коррупция, таъма ва порага ўрганиб колган баъзи амалдорлар «Бирлик»ни ўз имзолари билан кўллаган шахсларни кўркитиш билан пул ундиришга харакат килаётгани хам маълум бўлмокда. Хусусан, Кашкадарёнинг Дехконобод тумани Карашина фукаролар йигини оксоколи Райимбердиев фукаролар Даврон Пирназаров, Холмат Каримов ва Юсуф Бобошовларга 5 000 сўм микдорида пул берса, МХХ ва бошка идораларга имзони улар кўймаганини айтишни ваъда берган. Музработ туманидаги Шабада фукаролар йигини раиси Окбўтаев эса имзолар учун жавобгарликдан кутутлишнинг бирдан-бир йўли бирликчиларнинг газ олиб келиш ваъдаси билан алдагани хакидаги намунавий тушунтириш хати нусхасини таркатган.

Номини очикламаслик шарти билан мухбиримизга маълумот берган бир махалла фукаролар йигини раиси махаллий милиция ва хавфсизлик хизмати уни идорасига чакириб, имзоларнинг хакикийлигни текшириш учун одамларни тун ярмида ёки об-хаво ёмон пайтларда чакириш кераклигини, иложи борича оилалардаги кексалар, келишга кийналадиган шахсларни чорлаш лозимлигини тушунтирган.

Албатта, бундай ёндашувлар баъзи одамларнинг имзоларидан тонишига, ёлгондакам тушунтириш хатлари ёзишига мажбур килар. Аммо масаланинг иккинчи томони хам борки, хукумат бирликчиларнинг кадами етмаган ерларда «таргибот-ташвикот» олиб бориши шубхасиз партия фойдасига хизмат килади.

22:00 - Шўрсувда ишчилар очликни давом эттиришмокда

Олинган хабарларга кўра, Шўрсув кон-кимё комбинати ишчи ва хизматчилари ўз хакларини талаб килиб, ўтган душанбада (тўгриси, якшанба куни тушдан кейин) эълон килган очлик акцияларини хамон давом эттиришмокда. Хозир бу акцияда 100 дан ортик киши катнашмокда. Уларнинг катта кисми аёллар.

Ишчи-хизматчилар тарафидан расман жамоатчи-химоячи килиб олинган «Эзгулик» жамиятининг Ўзбекистон тумани бўлими раиси, «Бирлик» фаоли Эркинжон Кўзиевнинг айтишича, норозиликлар бошланган кун, яъни 25 апрелда комбинатга туман Ички ишлар бошкармасининг бошлиги Халил Хазраткулов бошчилигида милиция отряди ташланган. Миршаблар одамларни куч билан таркатиб юборишмокчи бўлишипти. Аммо, буни эплай олишмапти.

Бу ерда кўпрок аёлларнинг фаоллик кўрсатаётганини пайкаган Халил Хазраткулов уларни хакорат килиб: «Мен сиздек аёлларни фалон нарса хам килмайман, мен бу ишни кирим-кавказга бориб сиздан тузукрок бўлган рус аёллари билан киламан» дейишгача борган. Даргазаб одамлар милицияни комбинатдан хайдаб чикарганларидан кейингина, бу ерга вилоят хокими келиб, одамлар билан мулокат килишга мажбур бўлган. Лекин у хам бу ерга Халил Хазраткуловсиз келган.

Ўша кунги вокеалар давомида юрак хуружига учраган Анвар исмли йигит ўлгани хам маълум бўлди.

16:00 - Ўзбекистон - Козогистон: савдо-сотикка эркинлик берилмокчи

Расмий манбаларга кўра, Ўзбекистон билан Козогистон ўртасида товар айирбошлаш хажми 2004 йилгача мунтазам пасайиб келди. Бултур бу кўрсаткич 30 % чамасида кўпайиб, 430 млн. АКШ доллларини ташкил этди, холос. Бари бир, икки давлат ўртасида савдо-сотикка кўйилган тўсиклар ханузгача сакланиб келмокда.

Ўртадан мана шу тўсикларни озми-кўпми олиб ташлаш максадида, мустакил манбанинг билдиришича, кеча, 28 мартда Тошкентда икки давлат савдо-сотик доираларининг делегациялари учрашиб, музокаралар олиб боришди. Делегациялар таркибида вазирликлар ва давлат идораларининг рахбарлари, божхона ва банк тизими вакиллари, тадбиркорлар катнашди. Ўзбекистон томонига бош вазирнинг биринчи ўринбосари, иктисодиёт вазири Рустам Азимов ва Козогистон томонига бош вазир ўринбосари, саноат ва савдо вазири Савват Мингбоев рахбарлик килди. Музокаралардан сўнг делегация рахбарлари икки ўртадаги савдо-сотик чекловларини камайтиришга каратилган хужжатга - эркин иктисодий хамкорликни ривожлантириш тўгрисидаги шартномага имзо чекдилар. Шартномага кўра, Ўзбекистон хукумати бу ерга Козогистон махсулотларининг олиб кирилишига карши ўрнатган талай таъкикларидан воз кечади.

Р.Азимовнинг гапларига караганда, Ўзбекистон ва Козогистон хукуматлари ўзаро савдо-сотикни осонлаштириш ва ва эркинлаштиришнинг янги йўллари ва чоралари устида хали ишлаётган экан.

Музокаралар омма кўзидан панада ўтказилгани учун бугун махаллий ОАВлар бу хакда ахборот бермади.
« Олдинги хабар Хабарлар рўйхати Кейинги хабар »