28 April 2022
20:35 - Олий Мажлис Сенатининг бугунги жонли эфири 8 дақиқадан кам давом этиб, кейин бекитиб ташланибди
UzReport TV орқали Сенат мажлиси трансляцияси бошланганидан қарийб 8 дақиқа ўтиб тўхтатилди. Парламент Олий Мажлисининг YouTube-саҳифасида жонли эфир 2019 йил октябридан бери биринчи марта намойиш этилмади. Президент фармонига кўра, 1 декабрдан бошлаб йиғилишлар МТРК каналлари ва интернет тармоғида эфирга узатилиши керак эди.

28 апрель куни хусусий UzReport TV телеканали орқали Ўзбекистон Олий Мажлиси Сенатининг тўғридан-тўғри трансляцияси мажлис бошланганидан деярли 8 дақиқа ўтиб якунига етди. Тўғридан-тўғри эфир телевидениеда ҳам, телеканалнинг YouTube-саҳифасида ҳам тўхтатилди.

11-дақиқада мадҳия янгради, сўнгра Сенат раиси Танзила Нарбоева президент Шавкат Мирзиёнинг Қашқадарё вилоятига ташрифи, 2022−2026 йилларда Қорақалпоғистонни ривожлантиришнинг беш йиллик дастури ҳақида сўзлади, Самарқанд ва Жиззах вилоятларида содир бўлган сув тошқинлари ҳақида сўзлаб берди. Шундан сўнг эфир тўхтатилди.

Шундай қилиб, соат 12:31 дан 12:39 гача Uzreport TV Сенатда жонли эфирга чиқибди.

Президентнинг 16 июндаги “Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги фармони билан Ўзбекистон Миллий Телерадиокомпанияси 1 декабрдан Олий Мажлис Қонунчилик Палатаси ва Сенати мажлислари, Қорақалпоғистон Республикаси Жўқорғи Кенгеси, халқ депутатлари вилоят, туман, шаҳар Кенгаши сессиялари (ёпиқ мажлислар бундан мустасно) телеканаллар, шунингдек, Интернет тармоғи орқали жонли эфирга узатилишини таъминлаши керак эди.

Эътиборлиси, мазкур фармонга қадар ҳам Сенат мажлислари тўғридан-тўғри Uzreport TV орқали ва парламент юқори палатасининг YouTube-саҳифасида трансляция қилинарди. Бугун эса улар 2019 йил октябрь ойидан бери биринчи марта учрашувнинг жонли эфирини бошлашмади ҳам.

Таққослаш учун: Сенатнинг 17−18 март кунлари бўлиб ўтган аввалги мажлисида ўша пайтдаги Ташқи Ишлар Вазири Абдулазиз Камилов Ўзбекистоннинг Украинадаги уруш бўйича позициясини маълум қилган эди. Uzreport TV уни тўлиқ трансляция қилганди.

Сенат ва телеканаллар ўз дирекцияларидан бу воқеаларга изоҳ ҳам ололмабдилар.

Мана бугунги Ўзбекистон телевидениеси шунақа аҳмоқона усулга ўтиб олибди. Кўрамиз, буёғи нима бўлади?
« Олдинги хабар Хабарлар рўйхати Кейинги хабар »