10 February 2022
12:47 - Ўзбекистоннинг янги хўжайини Шавкат Мирзиё 2022 йил март ойида Самарқанд аэропортида фойдаланишга топшириладиган аэропортни кўраётгани ҳақида хабар
Президент Матбуот Хизмати хабар беришича, Шавкат Мирзиё 10 февраль куни Самарқанд шаҳрига келиб, бу ерда март ойида очилиши режалаштирилаётган Самарқанд халқаро аэропортини кўздан кечиргани ҳақида хабар тарқатилибди. Мана ўша хабарга илова қилинаётган расмни ҳам кўрмоқдасиз.


Қайд этилишича, бу “ҳаво дарвозаси” қарийб 83 миллион долларлик лойиҳа эвазига янгидан қурилмоқда. Ўтган йили учиш-қўниш йўлаги қайта қурилган эди. Бугунги кунда янги терминал тўлиқ тикланиб, пардозлаш ишлари олиб борилмоқда. Йўл, автотураргоҳ ва ёритиш устунлари барпо этилмоқда.

Хабарларда айтилишича, Мирзо Улуғбекнинг буюк мероси Самарқанднинг тимсолига айланган ва ҳозир бу тимсолни амалда ишлайдиган жойга айлантириш билан шуғулланилмоқда экан. Бу терминалнинг эни 175, баландлиги 25 метр. Бир соатда 800 нафар йўловчига хизмат кўрсатиш қувватига эга бўлармиш.

Аэропортда “очиқ осмон” режими қўлланилади, карго хизмати ҳам йўлга қўйилади. Янги терминал келгуси ойда фойдаланишга топширилармиш. Кўрамиз, нима бўлади?
« Олдинги хабар Хабарлар рўйхати Кейинги хабар »