09 January 2022
17:22 - Омикрон Ўзбекистонда: Соғлиқни Сақлаш Вазирлиги эҳтиёт чоралари кучайтирилиши ҳақида маълумот берилибди
Жамоат жойларида ниқоб тақиш, ижтимоий масофани сақлаш, шахсий гигиена қоидаларига қатъий риоя этиш устидан назорат кучайтирилмоқда.

Соғлиқни Сақлаш Вазирлиги (ССВ) матбуот хизмати 7 январь куни Ўзбекистонга келган хорижий давлат фуқаросидан COVID-19нинг янги Омикрон штамми аниқлангани ҳақида хабар берибди.

Республика махсус комиссиясининг навбатдаги йиғилишида мамлакатда коронавирус инфекцияси билан касалланиш ҳолатлари ортиб бораётгани, ушбу касалликка қарши зарур чоралар кўришни давом эттириш лозимлиги қайд этилибди.

Комиссия қарори билан жамоат жойларида ниқоб тақиш, ижтимоий масофа сақлаш, шахсий гигиена қоидаларига қатъий риоя этиш устидан назорат кучайтирилади. Бунда, барча ташкилот, корхона ва муассасаларда, йирик савдо мажмуалари, супермаркетлар, кўнгилочар муассасаларнинг кириш қисмида ниқобда бўлиш, ижтимоий масофа сақлаш, тана ҳароратини ўлчаш амалиётига қатъий риоя этилиши таъминланади.

Соғлиқни Сақлаш Вазирлиги, Ўзбекистон Мусулмонлари Идораси, Дин Ишлари бўйича Қўмитанинг фуқаролар Умра зиёратларидан қайтишида коронавирусга ПЗР ёки экспресс тестни Саудия Арабистони ҳудудида ўзбек тиббиёт ходимлари томонидан олиниши ва манфий натижасига мувофиқ кириб келишини ташкил этиш тўғрисидаги таклифига розилик берилибди.

Аҳолини тўлиқ эмлаш ва бустер доза билан эмлаш ишлари жадаллаштирилади.

Вазирлик ва идора раҳбарлари, ташкилий шаклидан қатъи назар, барча ташкилотларда ишчиларнинг эмлангандан сўнг иш жойларига киритишга рухсат берилади. Мазкур тартибни бузган ташкилот раҳбарларига нисбатан қонун ҳужжатларида белгиланган тартибда қатъий чора кўриладиган бўлибди.

Олий Таълим Муассасалари талабалари ўртасида таътил давомида коронавирус инфекциясига қарши тўлиқ эмлаш чоралари кўрилади. Ушбу тадбирларга ОТМ раҳбарлари шахсан масъул этиб белгиланади.

Шунингдек, Республика Махсус Комиссияси қарори билан 2022 йил 15 январдан бошлаб қуйидаги тартиб жорий қилинмоқчи:

- хорижий давлатлардан Ўзбекистон Республикасига ташриф буюрувчилар келишидан камида 48 соат олдин топширилган коронавирус инфекциясига ПЗР тест натижаси бўйича манфий кўрсаткичли маълумотга эга бўлиши;

- коронавирус инфекциясига ПЗР тест натижаси бўйича манфий кўрсаткичга эга маълумотнома бўлмаганда, аэропорт, темир йўл вокзаллари ва чегара ўтказиш пунктларида ташкил этилган коронавирус инфекциясига экспресс тест топшириши шартлиги ҳам алоҳида таъкидланган.

Вазирлик, идоралар ва бошқа давлат ташкилотлари ҳамда хўжалик бирлашмаларида мамлакатда амал қилаётган карантин чекловлари шароитида аҳоли саломатлигини таъминлаш, мамлакатда эпидемиологик вазият барқарорлигини сақлаш мақсадларини кўзда тутиб, турли тадбирлар ташкил этиш тақиқланибди.

Эслатиб ўтамиз, Омикрон штамми 2021 йил ноябрида Жанубий Африка Республикасида аниқланган ва кейинчалик Европа ва Осиё давлатларига тарқалганди.

2021 йил декабрь ойидан бошлаб АҚШ, Дания, Жанубий Корея, Буюк Британия, Россия, Исроил, Нидерландия, Франция, Япония, Ҳиндистон каби бир қатор давлатларда янги штамм кенг тарқалиб, эпидемиологик вазият кескинлашиб бораётгани муносабати билан бир қатор қўшимча карантин чекловлари жорий этилибди. Кейин бу жараёнга Ўзбекистон ҳам қўшилибди.

Хуллас, шунақа гаплар. Ҳозир ҳамма актив фаолларимизнинг ёрдамчилари туфайли ҳам бу ишга қўшилишгани шубҳасиздир.
« Олдинги хабар Хабарлар рўйхати Кейинги хабар »