Тошкент вақти - 
28 October 2021
04:37 -
Импорт қилинадиган қишлоқ хўжалиги техникаси Ўзбекистонда божхона тўловларидан 3 йил муддатга озод этилармиш. Шавкат Мирзиёнинг шу гапларига ишонадиганлар борми?
Бу хусусда Президент Шавкат Мирзиё қишлоқ хўжалигидаги ислоҳотларнинг бориши, кластерлар олдидаги муаммоли масалалар ва уларнинг ечимларини кўриб чиқишга бағишланган видеоселектор йиғилишида эълон қилибди.Унинг айтишича, бугунги кунда 100 мингдан зиёд ёки қишлоқ хўжалиги техника ва агрегатларининг 40 фоизи муддатини тўлиқ ўтаб бўлган. Бундан ташқари, қишлоқ хўжалиги техникасини сотиб олишда, кредит фоизлари ставкаси юқори (24 фоизгача) ва муддатлари қисқа (3-5 йилгача). Энди, келгуси йилдан бошлаб, қишлоқ хўжалиги учун техника сотиб олишда кредит харажатларининг 10 фоиздан юқори қисми, давлат томонидан қоплаб берилади. Бу мақсадларга, келгуси 3 йилда 1 триллион сўм йўналтирилармиш.
Бундан ташқари, жорий йил ҳосилидан бошлаб 3 йил давомида, пахтани Жиззах, Қашқадарё, Сирдарё ва Тошкент вилоятларида машинада териш харажатининг 30 фоизи бюджетдан қоплаб берилармиш.
Видеоселекторда четдан олиб келинган техникаларга қўшилган қиймат солиғини 270 кунгача кечиктириб тўлаш тартиби жорий этилиши маълум қилинармиш (ҳозирда 120 кун). Шунингдек, лазерли текислаш ускуналари ва дон уруғ сеялкаларини харид қилиш учун, келгуси йилда 50 миллиард сўм субсидия ва божхона имтиёзлари берилармиш.
Қаранг, Президент айтишича, кластерлар ва фермерларга серҳосил ва касалликларга чидамли янги уруғ навларини экишга шарт-шароитлар яратилармиш, шу сабабли 30-40 йил давомида асосан 8 турдаги эски ғўза ва ғалла навлари ишлатилаётгани туфайли, ҳосилдорлик кескин ошмаётганмиш.
Хуллас, шунақа гаплар, шунақа ишлар, дейишмоқда “Ҳаракат” Агентлигининг мухбирлари. Демак, келажак учун ҳам ҳеч қандай янгилик кутилмаябди. Чунки, уларга мол-мулк солиғини 3 йилга кечиктириб тўлаш имконияти ҳам берилармиш. Бунинг ҳисобига, корхоналар ихтиёрида йилига камида 500 миллиард сўм маблағ қолармиш.
Мана янги президентнинг шу гапларидан кўраверингки, Ўзбекистонда яқин келажакада ҳам ҳеч қандай янгилик бўлмайди. Демак, Ўзбекистонда ҳеч ким кутмаётган янгиликлар бўлиши керак, аммо бўлмайди. Бундан аввалги хабарларимизда ҳам айнан шуларни ёзган эдик.
