13 March 2021
16:17 - Масхарабоз Адлия Вазири Русланбек Давлет Сенатнинг ялпи мажлисида яна ЁЛҒОНЛАР гапиргани ҳақида
Кеча Сенатнинг 13-ялпи мажлисида Адлия Вазири Русланбек Давлет 2020 йилдаги ҳуқуқий тарғибот ва маърифат ишлари ҳақида ахборот бериб, асосан ёлғон гаплар тарқтиш билан шуғулланибди.

Нимамиш, ахборот ҳар доим халқни юксакликка етаклармиш, илм ёйилишига туртки бўлармиш. Айнан Европада, хусусан, XV асрда Германияда босма дастгоҳ ишлаб чиқилиши Европада маърифат ёйилишига олиб келган. Ҳаттоки ўша даврда ҳам кўп давлатлар бу ихтирога қарши бўлди. Улар ахборот олиш жуда енгиллашиб кетди, ахборот жамиятимизга кириб кетади, дея ваҳима қилишган эмиш.

Ҳозир, дебди Русланбек Давлет, асосий йўналиш – интернет. Интернет Ўзбекистонда қиммат. Интернет арзонлиги бўйича Ҳиндистон биринчи ўринда – 1 ГБ интернет 9 цент. Учинчи ўринда Қирғизистон – 2 минг сўм. Қозоғистон эса 1 ГБ интернет 6 минг сўм экани билан дунё бўйича олтинчи ўринда турибди. Биз эса 16 минг сўм нарх билан 54-ўринда турибмиз.

Ёки интернет тезлиги бўйича ҳам худди шундай, 128-ўриндамиз. Бизда 100 МБ видеороликни юклаб олиш учун 10 дақиқа вақт кетяпти. Яъни бу жараёнда Ўзбекистонда ахборот тарқалиши ўз-ўзидан секинлашяпти. Бу дегани биз хоҳлаётган маълумот етарли даражада одамларга етиб бормаяпти.

Ўзбекистонда интернет қамрови 51 фоиз ва бу жуда кам. Бутун дунё мисолида оладиган бўлсак, 51 фоиз интернет дегани XXI асрда бу жуда уятли ҳолат. Қозоғистонда аҳолининг интернет билан қамров даражаси 80 фоиз, деган Адлия Вазири Интернет кўп ривожланган давлатларда ҳамма нарса ЯХШИ, фақат ва фақат бизда АВОЛ ЧАТОҚ эканлигини урғулабди.

Хўш, ЎРТОҚ КОММУНИСТ Русланбек Давлет, сизга кўра Ўзбекистонда ахборот воситаларини қандай ривожлантириш керак. Сиз ЖУДА ЯХШИ БИЛАСИЗ, айнан Инсон Ҳуқуқлари “Эзгулик” жамияти сал кам 2 йил аввал Интерент каби ахборот воситаларини РИВОЖЛАНТИРИШГА УРҒУ БЕРАЁТГАН “Бирлик” Халқ Ҳаракати Партияси каби ташкилотларни тезроқ ривожлантириш кераклигини, бунинг учун улар БИРИНЧИ НАВБАТДА РЎЙХАТГА ОЛИНИШИ КЕРАКлигини таклиф қилган ва бу ҳақда сизга ҳам мактуб жўнатган эди.

Аммо, қани амалий НАТИЖА? Олий Мажлиснинг Сенатига чиқиб олиш вайсаш энг оддий иш бўлиб қолди. Амалий ишлар қачон бўлади, ўртоқ Русланбек Давлет?

Демак, авваламбор, Ўзбекистонда сиз кабиларни ҳокимиятдан УЛОҚТИРИШ ва ҲАҚИҚИЙ ривожланишларга йўл очиш лозим, тўғрироғи, ШАРТ!!!
« Олдинги хабар Хабарлар рўйхати Кейинги хабар »