31 May 2019
18:30 - Шавкат Мирзиё Грузия, АҚШ ва Корея Республикасининг янги элчиларидан ишонч ёрлиқларини қабул қилди
Ўзбекистон оммавий ахборот воситалари бугун 31 май куни Президент Шавкат Мирзиё Грузия, Америка Қўшма Штатлари ва Корея Республикасининг мамлакатимиздаги Фавқулодда ва мухтор элчилари этиб тайинланган Зураб Абдушелишвили, Дэниел Розенблюм ва Кан Чжэ Квондан ишонч ёрлиқларини қабул қилганини хабар қилдилар. Расмда айнан шу 3 элчини чапдан ўнгга айнан шу тартибда турган расмларини кўрмоқдасиз.

Хабарларда Шавкат Мирзиёнинг бу 3 мамлакат билан Ўзбекистон ўртасида алоқалар яхшиланиб бораётгани ҳақидаги умумий сўзларинигина келтирмоқда. Фавқулодда ва мухтор элчилар эса, Шавкат Мирзиёга самимий қабул учун миннатдорлик билдириб, мамлакатларимиз ва халқларимиз фаровонлиги йўлида самарали давлатлараро муносабатларни изчил ривожлантиришга бор куч-ғайратини сафарбар қилишга тайёр эканликларни айтибдилар.
« Олдинги хабар Хабарлар рўйхати Кейинги хабар »