25 May 2019
04:20 - Буюкбритания Бош вазири Тереза Мэй “Ўзим севган мамлакатга хизмат қилганимдан беҳад миннатдорман” деган сўзлар билан йиғлаб, истеъфога кетишини эълон қилди
Ўзбекистонда Шавкат Мирзиё раҳбарлигида ҳукмронлик қилаётган тожиклар режимининг қўғирчоқ ахборот воситаларидан бири бўлган Kun.uz интернет нашри кеча 24 май куни ҳеч қандай таҳлилсиз хабар қилишича, Буюкбритания Бош вазири Тереза Мэй 7 июнда Консерватив Партия раислигидан кетишини эълон қилди. Уни истеъфога чиқишга унинг ўзи тақдим қилган Brexit бўйича Европа Иттифоқи билан келишувдан норози бўлган партиядошлари, хусусан Вазирлар Маҳкамаси аъзолари мажбур қилишди. Бу эса Тереза Мэй мамлакат Бош вазирлигидан ҳам кетиши кераклигини билдиради.

Хабарда айтилишича, Буюкюритания ҳукуматининг қароргоҳи бўлган Даунинг-стритдаги эҳтиросли чиқиши вақтида Мэй хоним Brexit тарафдорлари ғалабаси билан якунланган 2016 йилги референдум натижалари бўйича ишларни охирига еткизолмаганини тан олган ва сўзининг охирида кўз ёшлари ичида яқинда истеъфога кетишини билдирган.

Бундай хабарга албатта таҳлил берилиши керак эди. Гап шундаки, ўша 2016 йилдаги референдумда аҳолининг катта қисми иштирок этмаган, референдумда тахминан 51 фоиз сайловчи Европа Иттифоқидан чиқиш учун овоз берган бўлса ҳам, аслида, шундай овоз берганларнинг сони Буюкбритания аҳолисининг ярмидан ҳам кам эди.

Шуларни ҳисобга олиб, бу референдум ЕИдан чиқиш тарафдорларининг ғалабаси билан тугаганини тан олиш хато эди, айнан Тереза Мэйнинг хатоси эди. Мана, ўша хато учун жавоб бериш вақти келди ва у жавоб бермоқда.

Яна бир нарсани айтиш керакки, Ислом Карим замонида мавжуд тожиклар режимининг қўғирчоқ ахборот воситалари бу каби хабарларни тарқатмасдилар. Бундай хабарларни фақат “Ҳаракат” Агентлиги тарақатар эди. Бу сафар “Ҳаракат”дан аввал Kun.uz интернет нашри бундай хабар тарқатгани олқишга сазовор нарса. Аммо, Kun.uz интернет нашрининг журналистлари бу воқеага таҳлил ҳам беролмаганлари шармандаликдир.
« Олдинги хабар Хабарлар рўйхати Кейинги хабар »