24 January 2019
18:16 - Ўзбекистон – Ёлғонистон: Қўғирчоқ ахборот воситаси ЎзА Фарғона шаҳар марказида уйлар бузиб ташланаётганини оқлаш учун ёлғонлар гапириш билан шуғулланмоқда
Фарғона шаҳарининг марказида туппа-тузук уйлар Шавкат Мирзиёнинг гўёки ҳамма ёқни ободонлаштириш ғоялари баҳонасида бузиб ташланаётгани, одамларга янги уй қуриб олишга на етралича вақт, на етарлича маблағ берилмаётгани ҳақида “Ҳаракат” ҳам хабар берган эди.

Шавкат Мирзиёнинг тожиклар режими дарҳол қарши ҳужумга ўтди. Режимнинг бир қатор қўғирчоқ ахборот воситалари, жумладан, ЎзА эски уйлар бузиб ташланаётгани тўғри эканлигини, янги қурилаётган уйлар эскиларидан яхши ва чиройли эканлигини кўрсатиш мақсадида Совет усулидаги оддий ёлғонларни ишлатмоқда.

Уларнинг асосий аргументи – янги уйлар эскилардан чиройлироқ ва қулайроқ эканлиги. Булар назарий жиҳатдан тўғри фикрга ўхшайди, аммо, аслида ёлғондан бошқа нарса эмас. Агар, Шавкат Мирзиёнинг тожиклар режими ва унинг қўғирчоқ ахборот воситалари ҳақ бўлса, Ғарбдаги ривожланган ва бой мамлакатлар қадимий шаҳарлардаги ҳамма уй-жойларни ва нотурар бино-иншоотларни бузиб ташлаб, янги иншоотлар қуриб ташлашарди-ку!?

Аммо, бу режимнинг аҳмоқ ходимлари тушунишамайдики, ёки тушунишни исташмайдики, эскини бузиб, янгисини қуриш катта маблағ талаб қилади. Нима, Ўзбекистондек гадой мамлакатда, ҳар қандай давлат иқтисодиётининг асосий кўрсатгичи бўлган Киши бошига Ялпи Ички Маҳсулот ҳажми билан ривожланган мамлакатларидан 30-50 баравар, ҳатто қўшнимиз Қозоғистонда 8-10 баравар орқада бўлган Ўзбекистонимизда шунақа маблағ кўрмики, туппа-тузук уйларни бузиш билан шуғулланишимиз керак.

Шавкат Мирзиё ва унинг ҳукумати Ўзбекистоннинг иқтисодини кескин ривожлантириш учун керак бўлган фундаментал ислоҳотлар ўтказиб, халқни бойитиши керак. Халқ бой бўлса, ана ўшанда, янги чиройли уй ва бинолар қуришга кўпроқ эътибор бериш мумкин бўлади.

Фундаментал иқтисодий ислоҳотлар ўтказмасдан, охирги тангаларимзни ишлатиб янги уй ва бинолар қуриш билан халқни бой қилиб бўлмайди. Наҳотки, Шавкат Мирзиёнинг хизматкорлари шуни ҳам тушунмайдилар?

Қаранг, расмдаги бузилаётган уй туппа-тузик, уни бузиш аҳмоқликдир.
« Олдинги хабар Хабарлар рўйхати Кейинги хабар »