24 January 2019
08:14 - Шавкат Мирзиё бугун кечаси Тошкентга қайтиб келибди, у Мюнхенда бир кун нима қилди?
Ўзбекистон Президенти Шавкат Мирзиё Германияга сафарининг 3-чи кунини Мюнхенда ўтказгани, у ерда Бавария давлатининг раҳбарлари ҳамда катта бизнес эгалари билан учрашгани Ўзбекистондаги қўғирчоқ ахборот воситалари тарафидан билдирилганди. Масалан, унинг Германиядаги етакчи компания ва банклари раҳбарлари билан учрашуви ҳақидаги ЎзАнинг хабари ва хабарга қўйилган расмнинг эътиборга лойиқ биттагина жойи бор.

Расмга қаранг, Шавкат Мирзиёнинг бўйи ҳаммадан паст. Наҳотки, Германияда ундан паканароқ бизнесмен йўқ экан.

Нима бўлса ҳам, Шавкат Мирзиёнинг кечаси бўлса ҳам Тошкентга қайтиб келгани яхши хабар. Ҳозир миллионлаб муҳожирлар Германияга келиб, у ерда қолиб кетишни орзу қилмоқдалар. Худога шукр, Шавкат Мирзиёда бундай орзу йўқ экан, Ўзбекистонга қайтиб келибди.

Умид қилиш керакки, германиялик бизнесменлар Шавкат Мирзиёга Ўзбекистонни тезроқ демократиялаштириш ва тезроқ ҳозирги социалистик иқтисодиётдан тўла бозор иқтисодиётига ўтказиш кераклигини тушунтириб қўйдилар. Демак, Шавкат Мирзиё “Бирлик” Халқ Ҳаракати Партияси йиллардан бери айтиб келаётган фундаментал сиёсий ва иқтисодий ислоҳотларни энди бошлаб юбориши мумкин.
« Олдинги хабар Хабарлар рўйхати Кейинги хабар »