01 December 2018
10:02 - Керч кўрфазидаги Украина-Россия жанжали туфайли Буэнос-Айросдаги G20 cаммити ҳам номигагина ўтказилмоқда
Керч кўрфазида Қримни босиб олган русларнинг чегара қўшинлари Украинанинг 3 ҳарбий кемаси ва уларнинг 24 кишилик экипажини ушлаб олганларидан кейин, АҚШ Президенти Доналд Трамп россиялик ҳамкасби Владимир Путин билан Буэнос-Айресдаги G20 саммити доирасида бўлиши аввалдан келишилган учрашувни бекор қилди. Шундан кейин саммит масхарабозликка айланди дейиш мумкин. Мана, ҳозир у ердан тарқатилаётган асосий хабарлар:

- Германия Канцлери Ангела Меркел ўз учоғида муаммолар чиққани сабабли, саммитнинг биринчи куни тагаётган пайтда Буэнос-Айросга етиб келди;

- Россия Президенти Владимир Путин ва Истанбулдаги Саудия конуслхонасида бу мамлакатнинг махолифатчи журналистини ўлдиришга буйруқ бергани айтилаётган Саудиянинг ворис шахзодаси билан жуда самимий қўл бериб кўришишибди;

- Аввалига Трамп Путин билан қўлиб бериб ҳам кўришмади, кейин номигагина қўл узатибди;

- Трамп биринчи кундаги 2 та асосий мажлисдан иккинчисига келмабди;

- АҚШ, Мексика ва Канада президентлари учрашув ўтказиб, қандайдир ҳужжат ҳам имзолабдилар.

- Саммитда меҳмон сифатида қатнашаётган Испания Бош вазири Педро Сачес Жаҳон Савдо Ташкилотида ислоҳотлар ўтказиш ғоясини қўлла-қувватлабди;

- Саммитда нима масалалар муҳокама қилинаётгани билан ҳеч кимнинг, журналистларнинг ҳам, иши йўқ.

Хуллас, шунақа гаплар.
« Олдинги хабар Хабарлар рўйхати Кейинги хабар »