15 June 2017
18:45 - Лондонда кўп қаватли уйдаги ёнғинда 17 киши ҳалок бўлди. Нима бўпти, яқиндагина икки исломий терактда 26 киши ҳалок бўлгандику?!
Кеча саҳардан ҳам аввалроқ Лондондаги 24 қаватли сал кам 600 киши яшайдиган 120 та квартирали уйда ёнғин чиқди, бутун уй алангага айланиб кетди. Ҳозирча 17 киши ҳалок бўлгани аниқланди. Бугун ёнғин ерига Буюкбритания Бош вазири Тереза Мэй ҳам келди ва давлатнинг тегишли идоралари бу воқеани ҳар томонлама синчковлик билан ўрганаётганларини айтди. Табиий, ёнғиннинг сабаблари ўрганилади, бундай кейин бу каби фожеали воқеаларнинг олдини олиш учун керакли тадбирлар амалга оширилади.

Хабар сарлавҳасида қўйилган кинояли саволни тўғри тушуниш ҳам муҳим. 2015 йилда Лондондаги исломий терактда 52 киши ҳалок бўлганини қўйиб туринг, шу йил 22 майда Манчестерда кўп минг кишилик концерт саройида ва 3 июнда Лондондаги кўприкда уюштирилган исломий терактларда 19 ва 7 киши ҳалок бўлган эди. Тўғри, террористлар террор бўлган жойдаёқ ўлдирилди, ҳозир давлатнинг тегишли идоралари бу терактларга алоқаси борларни қидириш билан машғуллар.

Аммо, давлат расмийларидан биронтаси кўпайиб бораётган терактларнинг сабабларини ўрганиш ва бундай терактлар қайтарилмаслиги учун нималар қилиш кераклиги ҳақида умуман гапираётгани йўқ. Нима, Ғарб дунёси “исломий терактларга табиий офтларга кўниккандек кўникиш керак” деган фикрига асосланиб яшашни давом эттирмоқчими? Жуда қизиқ, аммо бўлиши мумкин.

Расмда – кечаги ёнғинда ёниб битган бино.
« Олдинги хабар Хабарлар рўйхати Кейинги хабар »