Алишер Усмонов эгаси бўлган Gazeta.ru cайти хабар беришича, бугун Москва шаҳаридаги Люблин туман суди Россияда коррупцияга қарши кураши билан танилган, Коррупцияга Қарши Кураш Фондининг машҳур раҳабари Алексей Навальнийдан Интернетга қўйилган dimon.navalny.com фильмни олиб ташлаш ва фильмда танқид қилинганлардан узр сўраш ҳукмини чиқарди. Фильмда Россиянинг жорийдаги Бош вазири, аввал президенти ҳам бўлган Дмитрий Медведевнинг коррупционер ва Россияда ўз номида бўлмаса ҳам, аслида уники бўлган катта бойликларга эканлиги кўрсатилади. Аммо, расман, у бойликлар Медведев номида бўлмаганлиги сабабли, Навальний эҳтирос билан айтаётган гапларнинг биронтасига ишониб бўлмайди.

Бошқа тарафдан шуни ҳам тан олиш керакки, демократия кучсиз бўлган Россияда судлар ҳокимиятдагиларнинг буйруғини сўзссиз бажаришади, агар Путин Медведев, Усмонов бошқаларни жазолаш кераклиги ҳақида буйруқ берса, айнан шундай қилинган бўларди. Бироқ, тан олиш керакки, Алексей Навальнийнинг ўзбек аслли Россия миллардери Алишер Усмонов Дмитрий Медведевга пора сифатида катта бойликлар совға қилгани ҳам исботсиздир.

Тўғри, Россия, худди Ўзбекистон каби демократиядан узоқ ва коррупция ҳамда порахўрлик ботқоғига ботган давлатдир. Алишер Усмонов ҳам поралар берган бўлса керак. Бу масалалар билан ҳам шуғулланиш керак, аммо муҳим бўлгани, ҳар қандай давлатниннг асосий вазифаси - коррупция ва порахўрлик илдизларини йўқ қилишдир. Коррупция ва порахўрликнинг илдизлари – демократия йўқлигида, кучли диктаторликлар борлигида..

Фараз қилайлик, Люблин туман суди Навальнийни ҳақ деб топиб, Медведевни қораловчи ҳукм чиқарса, Медведевнинг ўзиёқ лавозимидан кетарди. Аммо, унинг ўрнига келган янги Бош вазир айнан порахўрлик билан шуғулланаверарди. Чунки, ҳар қандай давлатдаги коррупция ва порахўрлик ўша давлатдааги демократия даражисига тескари пропорционал, диктаторлик даражасига тўғри пропорционалдир.

Шундай экан, Наавальний кабиларда ақл бўлса, Россияни демократик давлатга айлантириш, бунинг учун авваламбор кучли демократик мухолифат яратиш устида ишлашлари керак.

Шу маънода, “Бирлик” Партиясининг фаолияти - жаҳон тарихида из қолдирадиган ишлардан иборат эканлигинии тан олиш керак. Кеча "Бирлик" Партияси лидери Абдураҳим Пўлатнинг Алексей Навальнийга берган насиҳатлари тарихда қолиши ҳам шубҳасиздир. Аммо, Россиядаги қанадайдир Навальнийни қўйиб туринг, ўзбек миллатининг ўзи бундай тушунчалардан, минг афсуски, ҳали узоқда эканлигини ҳам тан олиш керак.