10 April 2017
18:15 - Ўзбекистонда АҚШ долларининг қиймати яна ошди
Бугун Республика Марказий Банки валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан қуйидаги қийматини белгилади. Унга кўра, 1 АҚШ доллари 3650 сўму 74 тийин этиб белгиланди. Бу 4 апрелдаги курсга нисбатан 27 сўм 4 тийинга кўп. 1 евро қиймати 3894 сўму 88 тийинга тенг бўлиб, бу эса 19 сўму 54 тийинга арзондир.

Марказий Банк 21 февралдан бошлаб доллар курсини ҳафтасига тахминан 50 сўмдан қимматлатиб келаётганди.

Валюталарнинг реал қийматларини акс эттирувчи қора бозорда эса, вазият ҳукуматнинг бу бозор билан кескин кураш олиб бораётгани боис, носбатан мўътадилдек, ҳатто тушаётгандек кўринади. Масалан, бугун саррофлар АҚШ долларини 7550 сўмдан сотиб олишди. Унга эҳтиёжи борлар 7600 сўмдан харид қилишлари мумкин бўлди. Ваҳолангки, 3 ҳафта аввал долларнинг қора бозордаги курси 8 мингга ҳам чиққан эди.
« Олдинги хабар Хабарлар рўйхати Кейинги хабар »