20 February 2017
08:23 - Путин Донецк ва Луганск халқ республикаларининг паспортларини тан олишга рухсат берди
Тахмин қилиш мумкинки, Россия Президенти Владимир Путин Сурияда Башар Асад режмини Эроннинг ёрдамида сақлаб қолганига ва Яқин Шарқда ўз позициясини мустаҳкамлаб олганига ишониб, муҳумлик даражаси иккинчи ўринга тушиб қолган Донбассга юз ўгирди. У феълан Россия тарафидан босиб олинган ҳудудларда тузилган, аммо ҳеч ким тарафидан тан олинмаган Донецк ва Луганск халқ республикаларининг паспортларини Россияда тан олиш тўғрисида фармон имзолаганини бошқача тушуниш қийин.

Кремлнинг сайтида 18 февралда эълон қилинган фармонга кўра, бу қоғоздагина бор бўлган республикаларнинг фақат паспорти эмас, туғилганлик ҳақида гувоҳономалари, уйланиш ёки ажралиш, таълим ҳақидаги ҳужжатлари, транспорт воситаларини рўйхатдан ўтказиш ҳақидаги расмий қоғозлари ҳам тан олинади.

Фармонда сўз ўйинлари ҳам йўқ эмас. Нимамиш, бу фармон Донбасс масаласи бўйича Минск келишувлари асосида сиёсий ечим топилгунча ишлар эмиш. Ҳозир ҳамма тушунадики, Донбасс муаммосининг сиёсий ечими йўқ, уни ҳарбий куч билан ҳал қилишга эса, Украинанинг кучи етарли эмас. Ҳамма нарса шу кетишда кетса, бу икки республика Қрим каби Россияники бўлиб қолади.

Бизга кўра, дейди мухбиримиз, ечимнинг ягона йўли – Ғарб тарафидан Россияга қарши киритилган санкцияларнинг самарали бўлишидир. СССР Афғонистонни босиб олганидан кейин Ғарб тарафидан 1980 йилда киритилган санкциялар натижасида бу империя 11 йилда қулаган эди. Россиянинг қулаши учун қанча йил кераклигини ҳозир таҳмин қилиш қийин.
« Олдинги хабар Хабарлар рўйхати Кейинги хабар »