Оғир атлетика бўйича Германия терма жамоаси вакиллари уларнинг Рио-2016 Олимпиадасидаги рақиблари допингдан фойдаланаётганини қайд этган. Германиянинг Die Welt нашрига кўра, бир қатор ёш спортчиларнинг, хусусан, ўзбекистонлик полвонларнинг рекорд даражадаги оғирликлар билан бошлаётганини допинглар билан изоҳлашмоқда.

Терма жамоа бош мураббийи Оливер Кардозо Қозоғистон, Беларусь, Ўзбекистон, Арманистон, Молдавия, Руминия, Украина каби мамлакат спортчилари допингдан мунтазам фойдаланиши ҳақида айтиб, уларни мусобақадан четлаштириш кераклиги борасида фикр билдирган.

Ҳозир спортчиларнинг допингдан фойдаланиши жаҳон миқёсидаги тўпалонларга сабаб бўлаётган, Россиянинг бир қатор спортчилари допинг туфайли РИО-2016 дан четлаштирилган пайтда ўзбек спортчилари допинг ишлатишаётганига ишониш қийин, дейди мухбиримиз. Немислар тушунмаётган нарса шундан иборатки, ривожланган Ғарб мамлакатларида кураш ва муштлашиш каби спорт турларига Муҳаммад Али замонидаги каби қизиқиш йўқ. Бу каби спорт турларида лидерлик қилиш юқорида санаб ўтилган мамлакатлар, жумладан, Ўзбекистон спортчиларига қолаётгани мутлақо табиийдир.