08 June 2009
22:21 - Саудияда аёлларга кинотеатрларга кириш ҳуқуқи берилди
“Голос Америки” радиосининг билдиришича, аёлларнинг кинотеатрларга боришини тақиқловчи қонун-қоидалар 30 йилдан кейин бекор қилинган. Тақиқлар ислом фундаменталистларининг талаби билан бўлганди. Уларнинг фикрича, аёллар билан эркакларнинг жамоат жойларида бирга бўлиши Қуръон ақидаларига тўғри келмас эмиш. 6 июнь куни Жиддадаги бир кинотеатр Саудия Арабистонининг кино маҳсулоти бўлмиш «Менахи» фильмини кўриш ҳаммага очиқ экалигини эълон қилган бўлса ҳам, залга аёллар кирмаган. Балки, улар кинотеатр олдида митингга тўпланган консерваторлар одамларни бундай кинотеатрга кирмасликка чақиришаётганидан ҳайиқишгандир. // prima-news.ru
« Олдинги хабар Хабарлар рўйхати Кейинги хабар »