07 July 2016
20:06 - АҚШнинг Fox News телеканали Барак Обаманинг мусулмон кийимидаги расмини эълон қилди
Англияда чиқадиган Express газетасига асосланиб тарқатилаётган хабарларга кўра, АҚШдаги Fox News телеканали Барак Обаманинг мусулмон кийимидаги икки расмини эълон қилибди. Расмларни шу телеканалнинг машҳур эшиттиришларидан бирини олиб борувчиси Билл О'Рейли (William James «Bill» O’Reilly) кўрсатган. У ўзининг Твиттердаги саҳифасига ҳам бу расмларни қўйган ва бу расмлар ўтган асрнинг 90-йилларида Барак Обама ўз отасининг бошқа хотинидан бўлган укасининг тўйида олинган бўлса керак, деб тахмин қилган.

Билл О'Рейлининг фикрича, бу расм ҳам Обама ислом динига чуқур ҳиссий боғлиқлиги борлигини, айнан шу сабабдан у ислом терроризмига қарши куршни тўхтатганини айтибди.

Бундай расмнинг эълон қилиниши тасодифий воқеа эмас. Маълумки, Барак Обаманинг отаси Африканинг Кения давлатидан келган мусулмон бўлган. Обама 2008 йилда АҚШ президенти бўлиш учун сайлов пойгасига кирганда, бир қатор нашрлар унинг отаси ҳали онасидан ажрасмасдан аввал Барак Обама мусулмонликни қабул қилгани ва мусулмонча тарбия кўрганини ёзишган эди. Аммо, Обама бу иддаоларни рад этган ва насроний динига мансуб эканлигини очиқлаган эди.

Унинг тўйга мусулмонча кийиниб келишини – ёш йигитнинг но-оддий, яъни экзотик кўринишда бўлиш учун қилган иши деб изоҳлаш мумкин бўлса керак. Агар у тўйда отаси ҳам қатнашган бўлса, бундай кийинишни отасига ёқиш учун қилганини ҳам тахмин қилса бўлади.
« Олдинги хабар Хабарлар рўйхати Кейинги хабар »