01 January 2016
11:50 - Ислом Карим янги йилни ҳам ёлғон ва махарабозлик билан бошлади
Ким билади, балки, у эски йилни масхарабозлик билан тамомлаганини айтиш керакдир. Чунки, гап унинг ўтган йилнинг охирги дақиқаларида халққа йўллаган табриги ҳақида кетмоқда. Ҳамма кўрдики, у ўз табригида кейинги 11 йил давомида мамлакат иқтисодиёти жаҳондаги камдан-кам давлатлар қаторида барқарор суръатлар билан ривожланаётгани, шу жумладан, 2015 йилда ҳам Ялпи Ички Маҳсулотнинг ўсиши 8 фоиздан кам бўлмаганига урғу берди.

Ваҳолангки, Ислом Карим ҳар йили бизда ЯИМ ҳаммада тез ўсаётганини айтади, аммо унинг абсолют миқдорини айтмайди. Агар, бизда ЯИМ ҳаммада тез ўсаётган бўлса, биздан олдинда бўлганларга яқинлашиб бораётганимиз кўриниши керак-ку!! Амалада, ҳамма нарса бошқача.

Жаҳон Банкининг сайтидан олиниб, “Ҳаракат” сайтида ҳам эълон қилинган рақамларга кўра, 2005 йилда киши бошига Ялпи Ички Маҳсулот ҳажми бўйича Қозоғистондан 5,5 баравар орқада эдик. Бизда ЯИМ ҳажми ҳар йили 8 фоиз ўсгани айтилади, қозоқлардан ўсиш доим 5-6 фоиз атрофида бўлади. Демак, орамиздаги 5,5 бараварлик фарқ озгина бўлса ҳам камайиши керак-кук!! Аммо, яна ўша Жаҳон Банкининг маълумотларига кўра, ҳозир қозоқлардан 8 баравар орқадамиз.

Демак, бизда ўсиш ҳаммадан, жумладан, қозоқлардан кўпроқ эканлиги ҳақида гапираётган Ислом Карим ғирт масхарабоз ва ёлғончидир. ЯИМ ҳажми ҳар йили 5-6 фоизга ортаётган Қозоғистондан яна ҳам кўпроқ орқадамизми, демак, бизда йиллик ўсиш 5-6 фоиздан ҳам кам.

Уят, жаноб Ислом Карим. Сиз ва ҳукуматингиз аҳмоқ бўлса, Сизнинг баландпарвоз табрикларингиздаги ёлғонни кўрмаётган бутун ўзбек миллатини аҳмоқ деб ўйламанг. Бу халқнинг “Бирлик” Партиси ва “Ҳаракат” Агентлиги каби ёлғонларингизни фош қилоладиган хизматкорлари бор.
« Олдинги хабар Хабарлар рўйхати Кейинги хабар »