25 November 2015
06:31 - Ҳарбий учоғи турклар тарафидан уриб туширилган Россия саросимада
Кеча турклар Россия учоғини Туркия-Сурия чегаарсига яқин жойда, аммо Сурия осмонида уриб тушириши Россиянинг ғазабга келтирди. Владимир Путин бу воқеани "орқадан уриш" деб баҳолади, Мудофаа вазирлиги эса, "нодўстона ҳаракат" дейиш билан чекланди.Ташқи ишлар вазири Сергей Лавров 27 ноябрга режалаштирилган туркия сафрини бекор қилди. Россиянинг Туризм бўйича Федерал Агентлиги ўз мамлакатининг туристик операторларига Туркияга туристлар юбормаслик ҳақида кўрсатма берди. Яъни, кўринишидан, руслар Туркияга қарши бундан ортиқ нима қилишни ҳали билмайдилар.

АҚШ ва бошқа Ғарб давлатлари Туркияни очиқча оқлай олмаслар ҳам, Россия учоғонинг уриб туширилишидан хурсанд эканликларини яширмаяптилар. Бу ҳам тушунарли, чунки, сўнги йилларда Ражаб Эрдўғоннинг ҳукумати НАТОдан юз ўгириб, Россия билан яқинлашиб бораётганга ўхшар эди. Энди Россия-Туркия алоқалари яқин орада яхши бўлолмайди.

Нима бўлганда ҳам бир нарса аниқ: Ғарбнинг санкциялари остида Россия ва Путин синишга кетаётган эди, Туркиянинг кутилмаган иши синишни тезлаштириши муқаррар.

Дарвоқе, маълум бўлишича, русларнинг учоғини бир пилоти урилиш пайтида ҳалок бўлган, қолган 2 нафари катапульта қилган, аммо улар парашютда тушаётганда Суриянинг Туркия билан чегарасига яқин тоғларда Башар Асадга қарши урушаётган туркманлар тарафидан отиб ўлдирилган. Пилотларни қидириш учун юборилган рус вертолетлари ҳам туркманларларнинг ҳужумига учраган, бир рус ҳарбийси ҳалок бўлган.

Расмда - қулаётган рус учоғи русларнинг сайтида.
« Олдинги хабар Хабарлар рўйхати Кейинги хабар »