27 May 2009
22:29 - Бразилияга кетаётган Ўзбекистон президенти Испанияда тўхтади
Расмий визит билан Бразилияга кетаётган Ўзбекистон президенти Ислом Карим бугун Испаниянинг пойтахти Мадридда тўхташ қилди ва Испания қироли Хуан Карлос билан учрашди, деб хабар беради ЎзА агентлиги. Бу икки расмий кишининг музокаралари давомида икки мамлакат ўртасидаги муносабатлар ва икки тарафни қизиқтириши мумкин бўлган халқаро муаммолар муҳокама қилинибди.

Маълумки, Буюкбритания ва бир қатор шу каби мамлакатларда бўлганидек, Испанияда ҳам қирол рамзий сиёсий шахсдир. Шу сабабли Испания қиролининг Ислом Карим билан учрашуви ҳам расмиятчилик учун ўтказилганлиги ўз-ўзидан маълум. Ҳозир дунёдан изоляция бўлиб қолган Ислом Карим учун бу учрашув ҳам катта аҳамиятга эга. Аммо, Испания қироли учун бундай учрашувнинг нима кераги бор эди?

Ҳозир Европа Иттифоқи Ўзбекистон ва унинг раҳбариятини дунёдан изоляция қилиш ўрнига, уларни демократик дунёга интеграция қилиш йўлини танлагани сабабли, бу учрашув Европа Иттифоқининг ташаббуси билан Ўзбекистонга нисбатан олиб борилаётган сиёсатнинг бир парчаси сифатида режалаштирилган бўлса керак.
« Олдинги хабар Хабарлар рўйхати Кейинги хабар »